NEHEMIA 5:5 - Sura' Madatu

⁵ Moi angki sangrara sangbuku tu siulu’ki sia moi na iatu anakki muane pada bangsia tu anakna muane, apa moi susito kipa’bengan bangmo tu anakki muane sia anakki baine dipotosandang sia ba’tu pira-pira tu anakki baine dipakasiri’ lan kasandangan natae’ kiissan tu apa la kipogau’; na iatu pa’lakki sia pa’lak anggoro’ki natoe dukamoto senga’.

NEHEMIA 5:5 Referans Kwoze

2 DATU 4:1

Denmi misa’ tu mintu’ bainena passikola nabi mengkamoya lako Elisa sia ma’kada nakua: Iatu taummi, muaneku, matemo sia miissan kalena, kumua iato taummi mengkaola lako PUANG. Na totemo saemo to ma’paindan la unnalai tu anakku da’dua la napokaunan.

YESAYA 58:7

Tangiaraka te tu puasa Kuporai kumua: la untaa-taako kandemu lako to tangdia’ sia umpopa’bongi to salamba salao mase-mase lan banuammu, iake untiroko misa’ to tang ma’tamangkale, la mupakei sia tae’ ammu la umpembunianni tu mai sangrara sangbu- kummu?

KADADIAN 37:27

Maikomi anta balukki lako to Ismael, da anta pata’pai lima lako, belanna adinta sia sangrara sangbukuki’. Naturu’mi siulu’na tu kadanna.

MATIUS 18:25

Apa belanna tae’ apa dio la napamayaran, napesuammi puangna, kumua ia la dibalukan sola anakna sia bainena, sia mintu’ tu apa dio kalena, napopamaya’.

KADADIAN 29:14

Nakuami tu Laban lako: Manassa ikomo tu sangrara sangbukungku! Torromi tu Yakub sola, ganna’ bang sangbulan.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

SARAMBU PEADA’ 22:7

Iatu to sugi’ umparenta to bongko, sia iatu to kaindanan la napotosandang to umpaindanni.