NEHEMIA 5:17 - Sura' Madatu

¹⁷ Iatu to Yahudi sia mintu’ pangulu agi-agi saratu’ limangpulo tau sia iatu to sae lako kaleki dio mai tu mintu’ bangsa tiku lao, kupakande.

NEHEMIA 5:17 Referans Kwoze

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

ROMA 12:13

Rokkoi tu kakuranganna to masallo’ sia matinuru’komi untoratu tau.

YESAYA 32:8

Apa iatu to la’bi’ untangnga’ penggauran mala’bi’ sia bantang umpangeai tu apa mala’bi’.

2 SAMUEL 9:13

Susito torromi tu Mefiboset dio Yerusalem, belanna tontong kumande sola datu. Iatu lette’na kupi’ patomali.

NEHEMIA 5:16

Sia mengkarang dukana’ dio te rinding tembo’, apa moi sangteppe’ pa’lak tae’ kupotaa, susi duka bangsia mintu’ taungku sirampun inde to dio pengkarangan iato.

1 DATU 5:3

Miissan, kumua iatu ambe’ku Daud tae’ anna belai umpabendananni banua tu sanganNa PUANG, Kapenombanna, napobua’ mintu’ kasirarian tu napatingoanni tau tiku lao sae lako Napatunduk PUANG tu tau iato mai diong to’ lentekna.