NEHEMIA 4:12 - Sura' Madatu

¹² Apa iatonna saemo ba’tu pira-pira to Yahudi, tu torro sikandappi’ tau iato mai, umpokadangkan pessangpulo tu iannato, dio mai mintu’ tondok tu ma’mirringan lako kaleki,

NEHEMIA 4:12 Referans Kwoze

AYUB 19:3

Pessangpulomokomi umpamatunana’; tae’ mimasiri’ umpamapa’dik penaangku.

KADIBILANGAN 14:22

Kumua tae’ misa’ muane, tu mangka untiro kamala’birangKu sia tanda kalle-kallean mangka Kupogau’ lan Mesir sia lan padang pangallaran, sia pessangpuloMo’ nasandak sia tang umperangii kadangKu,

KADADIAN 31:41

Na totemo duangpulomo’ taunna lan banuammi: sangpulo a’pa’na’ taunna ruranan mati’ diona te anakmi da’dua na annan taunna diona dombami sia bembe’mi, anna pessangpulo misondai tu saro ra’ta’ku.

KADADIAN 31:7

Apa napakenana’ ambe’mi, pessangpulo nasondai tu saro ra’ta’ku, apa tae’ anNa tiro-tiroi Puang Matua umpogau’ kadake lako kaleku.

NEHEMIA 4:11

Ma’kadami tu ualingki nakua: Tae’ nala unnissanni sia tae’ nala untandai, taurunganni lanmo lu tangnganna tau iato mai, anta patei sia tapatadangi tu pa’diaman.

NEHEMIA 4:13

iamoto kuato’mi tu mintu’ tau diong inan mengkadiongan dio lu padang dio boko’ rinding tembo’, unturu’ pa’rapuanna, sibaa pa’dangna, dokena sia panana.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.