NEHEMIA 4:11 - Sura' Madatu

¹¹ Ma’kadami tu ualingki nakua: Tae’ nala unnissanni sia tae’ nala untandai, taurunganni lanmo lu tangnganna tau iato mai, anta patei sia tapatadangi tu pa’diaman.

NEHEMIA 4:11 Referans Kwoze

1 TESALONIKA 5:2

Belanna inang miissan melomo, kumua iatu alloNa Puang la susito boko sae ke mabongii.

PENGGAURANNA RASULU’ 23:21

Apa da mimorai nanaran-naran tu tau iato la umparundu’i tu lalan penaanna, belanna la’bi patangpulo tu tau unnaunganni sia ussumpa kalena tae’ nala kumande sia mangiru’, ke tae’ pi napatei tu Paulus; totemoto marea bangmo umpeagii tu kamipalaloanna.

PENGGAURANNA RASULU’ 23:12

Iatonna masiang dio mai, sipatamma’mi ba’tu pira-pira to Yahudi, pada ussumpa kalena kumua, tae’ nala kumande sia mangiru’ ke tae’pi napatei tu Paulus.

YESAYA 47:11

Iamoto annala urrampoiko kamaparrisan tu tang mubela untumpui pa’basa-basa; sia la naruako kasanggangan, tu tang mukulle untulakki pesuru’; sia ta’pa la narampoiko kamangsanan tu tang mukapang kasaeanna.

PA’PUDIAN 56:6

Tontong keallo tu tau iato mai umbulang leko’ kadangku sia mintu’ tangnga’na la ussanggangina’.

2 SAMUEL 17:2

angku laoi ta’bulu’ mata’ka’pi sia langga’, angku patirambanni, naurunganni mallai tu mintu’ tau nasolan, angku patei tu datu misa-misai.

NEHEMIA 4:9

Apa massambayangkan lako Kapenombangki sia belanna iatu ampena tau iato mai kitiromo angki suai tu to ma’ronda’ allo bongi la umpangeaikanni.

NEHEMIA 4:10

Ma’kadami tu to Yehuda nakua: Iatu kamatotoranna mintu’ to mamulle langga’mo, nabudapa tu batu tiserang-serang, kiurunganni tang pakullemo la umbangunni tu rinding tembo’.

NEHEMIA 4:12

Apa iatonna saemo ba’tu pira-pira to Yahudi, tu torro sikandappi’ tau iato mai, umpokadangkan pessangpulo tu iannato, dio mai mintu’ tondok tu ma’mirringan lako kaleki,