NEHEMIA 3:1 - Sura' Madatu

¹ Ta’kala ke’de’mi tu Elyasib, tominaa kapua, sola mintu’ siulu’na, iamotu mintu’ to minaa, anna bangunni tau iato mai sule tu babangan Domba. Napamaindanmi sia napalakoi ba’bana, napamaindanmi tau iato mai sisola duka tu menara Mea na menara Hananeel.

NEHEMIA 3:1 Referans Kwoze

NEHEMIA 12:39

ullendu’i babangan Efraim, babangan Tua na babangan Bale sia ullendu’i menara Hananeel sia menara Mea sae lako babangan Domba; tadangmi tu tau iato mai dio babangan Tarungku.

YEREMIA 31:38

Tonganna la sae tu allona, kadanNa PUANG, kumua iate kota iate la dipabendanan PUANG randuk dio mai menara Hananeel sae lako Babangan tetuk.

YOHANES 5:2

Dio Yerusalem sikandappi’ babangan Domba den misa’ limbong, iake basa Ibrani disanga Betesda; inde to dio den lima lantang.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

SARAMBU PEADA’ 3:9

Pakarayai tu PUANG mupennoloan kasugirammu, sia mintu’ bunga’ daka’mu,

NEHEMIA 13:28

Iatu anakna Yoyada misa’, anakna Elyasib, tominaa kapua, iamo anak minintunna Sanbalat to Horoni. Iamoto angku rambai male.

NEHEMIA 3:32

Iatu kasiallaranna bilik mengkadaoan dio tetuk na babangan Domba ma’pemeloi dio tu mintu’ pande bulaan sia to ma’baluk-baluk.

SARAMBU PEADA’ 3:6

Kasiri’i tu Puang dio lu mintu’ lalanmu, na Ia la umpamarantei tu lalanmu.

PA’PUDIAN 30:1

Pa’pudian dipopenani ma’kure sumanga’ urrara banua kabusunganNa Puang Matua. Pa’pudianna Daud.

NEHEMIA 12:30

Usseroimi kalena tu mintu’ tominaa sia to Lewi, namane usseroi tu to buda, sia mintu’ babangan sia rinding tembo’.

NEHEMIA 7:1

Iatonna sundunmo dibangun sule tu rinding tembo’, kupalakoimi ba’bana sia kuangka’ tu mai to ma’kampa babangan, to menani sia to Lewi.

NEHEMIA 6:1

Iatonna rangimi Sanbalat, Tobia sia Gesyem, to Arab, sia mintu’ uali senga’ta, kumua kusundunnimo umbangunni sule tu rinding tembo’ sia tae’mo torro tu lo’bangna, moi tae’pa kupalakoi tu ba’bana lan babangan,

NEHEMIA 3:20

Sia iatu tarru’na male birisan tongan tu Barukh, anakna Zabai umpemeloi tu siumpu’na randuk dio mai to’ katetuk sae lako babangan banuanna, tominaa kapua Elyasib.

PA’TOLE 20:5

Sia la ma’kada tu mai mantari’ lako to buda nakua: Minda tu umbangun banua ba’ru, apa tae’pa nanii? Dieloran male sule lako banuanna, kumua da nasabu’ lan kapararian, sia nanii to senga’ tu banuanna.

NEHEMIA 12:10

Iatu Yesua undadian Yoyakim; Yoyakim undadian Elyasib; Elyasib undadian Yoyada;

PA’PUDIAN 48:12

Melo ke parannui tu buntu Sion, sia sila’tekan tu anak dara Yehuda. Belanna mintu’na tu pa’paolaimMi salu.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.

NEHEMIA 3:21

Sia iatu tarru’na male napemeloi Meremot, anakna Uria, anakna Hakos, iamotu siumpu’na randuk dio mai babangan banuanna Elyasib sae lako tampak banuanna Elyasib.

NEHEMIA 13:4

Iato pura lendu’na dio mai attu iate iatu to minaa Elyasib, tu diangka’ ungkampai ba’tu pira-pira bilik lan banuanNa Kapenombanta, tu sisangdadian Tobia,