NEHEMIA 2:18 - Sura' Madatu

¹⁸ Iatongku pokadammi tau iato mai, kumua narondongna’ pa’kaboro’Na Kapenombangku, sia umba nakua tu datu mangkamo ma’kada lako kaleku, ma’kadami tu tau iato mai nakua: La ke’de’ki’ umbangunni sule. Napabatta’mi tu penaanna ungkarangi tu pengkarangan melo.

NEHEMIA 2:18 Referans Kwoze

FILIPI 2:13

belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.

2 OSSORANNA DATU 32:5

Sia napangu’kui umpemeloi tu mintu’ rinding tembo’ ro’pok, anna pabendanni tu menara dao sia benteng tembo’ senga’ dio salian. Sia napematoto’i duka tu Milo lan kotana Daud, anna popegaragai doke sia balulang buda.

1 OSSORANNA DATU 19:13

La batta’ko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

EZRA 6:22

Napakaraya dukami tu pa’maruasan roti tang diragii parannu penaanna, belanna Napakarannu PUANG tu penaanna tau iato mai, sia Napatiakka’mi tu penaanna datu Asyur, anna masokan lako kalena, naurunganni untundui tu tau iato mai dio pengkarangan lako banuanNa Puang Matua, iamotu Kapenombanna to Israel.

2 SAMUEL 2:7

Totemo pamatoto’komi kalemi sia pa’pekitananni tu kapiamuaneammi, moi anna matemo tu Saul, puangmi; ondongpi mangkamo’ natokko rapu Yehuda la undatui.

1 OSSORANNA DATU 11:10

Inde sia tu pangulu pa’baraninna Daud, tu sola mintu’ to Israel matoto’ untundui la umpabendan kadatuanna, la unnangka’i datu, susi kadanna PUANG diona to Israel.

1 SAMUEL 23:16

Ta’kala ke’de’mi tu Yonatan, anakna Saul, anna male sitiro Daud dio Koresa sia umpabatta’ penaanna umposande’ Puang Matua.

NEHEMIA 2:8

sia misa’ sura’ lako Asaf, petoro’ pangala’na datu, anna benna’ kayu la kupotangdan rattiang dio babanganna benteng tu sikande Banua Kabusungan sia dio rinding tembo’ kota sia dio banua la kunii torro. Nabenmo’ datu tu sura’ iato mai, belanna narondongna’ pa’kaborro’Na KapenombangKu.