NEHEMIA 2:17 - Sura' Madatu

¹⁷ Attu iato ma’kadamo’ lako tau iato mai kukua: Mitiromo tu kadipandasanta, kumua iatu Yerusalem sanggangmo na iatu mai babanganna puramo diballa api. Maikomi tabangunni sule tu rinding tembo’ Yerusalem, anna damo tapomatunai.

NEHEMIA 2:17 Referans Kwoze

YEHEZKIEL 5:14

La Kupadadiko misa’ apa daun lauan sia misa’ apa ditatta dio lu mintu’ bangsa untikuiko, dio pentirona mintu’ tau lendu’.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

PA’PUDIAN 79:4

Napobe’seammokan sangtondokki, sia Napotule’-tuleran sia Napoparumbasanmokan bali lembangki.

BATING 3:51

Kambang bangmo tu matangku tumangi’ napobua’ tu mintu’ anak dara lan kotaku.

BATING 2:2

Nasanggangi nasangmo Puang tu padangna Yakub, moi misa’ tae’ Nakatirinnai. Diona kare’dekanna ara’Na, Natuanni tu tambakukunna anak dara Yehuda; Natua’mo rokko padang, sia Napakasarembangan tu kadatuan sola mintu’ arungna.

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

PA’PUDIAN 79:12

Na lako bali lembangki papakkanni manglokkon pempitu tama rianna tu pebe’se mangka nabe’seangKomi, o Puang.

PA’PUDIAN 44:13

Mibalukan maraa bang tu taumMi, sia tae’ Miposugi’i tu allinna.

1 SAMUEL 11:2

Apa ma’kada tu Nahas, to Amon lako, nakua: Misa’ri kutuntun ke la sibasseki’, iamotu mata kananmi la kusu’be’i nasang; susimoto la kunii untodingi siri’ tu mintu’ to Israel.

NEHEMIA 2:13

Iatonna ibongi tassu’mo’ lan mai babangan Lombok, ma’palulako kalimbuang Ula’, tarru’ lako babangan Au, sia kuparessa tu rinding tembo’ Yerusalem, tu ro’pokmo sia iatu babanganna tu puramo diballa api.

NEHEMIA 2:16

Iatu mintu’ pangulu tae’ natandai tu kuolainnamo male sia apa mangkamo kupogau’; belanna lako to Yahudi, to minaa, to kapua, pangulu sia to diala parea senga’ tae’pa kupokadanni sae lako attu iato.

NEHEMIA 3:15

Iatu babangan Kalimbuang napemeloi Salum, anakna Kolhoze, kapala lembang Mizpa; anna bangunni sule sia napapa-sapei sia naba’bai anna palakoi salli’na sia gontingna, ondongpi (nabangun sule) tu rinding tembo’ limbong tu nanii uai saruran tama, sikandappi’ pa’lakna datu sae lako eran tu solo’ dao mai kotana Daud.

EZRA 9:9

Belanna kami te kaunanpakanni, apa lan kakaunanangki tae’ Napopa’elo’nakan Kapenombangki: Napalulako kaleki tu kamaturu-turuanna mintu’ datu Persia, naurunganni tu tau iato mai umbenkanni penggirikan la umpabendanni sule tu banuanNa Kapenombangki sia umpemeloi tu daun lauanna, sia umbenkanni misa’ perompo lan Yehuda sia lan Yerusalem.

PA’PUDIAN 44:14

Mitananmokan pa’be’seanna mintu’ bali lembangki, sia pa’telleanna sia parumbasanna to untama tikuikan.

PA’PUDIAN 102:15

Belanna mintu’ taumMi ungkamali’ batunna Sion, sia tang namasean tu barra’-barra’na.

MIKHA 7:11

Allo iato, ke nabangunni tau sule tu rinding tembo’mu, allo ia dukato mintu’ tu lili’mu la tarru’ dipekalua’i.