NEHEMIA 13:25 - Sura' Madatu

²⁵ Kusengkeimi tu tau iato mai, sia kugatai, sia ba’tu pira-pira kubamba sia kulampi’ beluakna sia kupopassumpa tete dio sanganNa Puang Matua, kumua: Da mipa’benganni tu anakmi baine sibali anakna bangsa iato sia da mialai tu anakna bangsa iato la napobaine anakmi ba’tu kumua la umpobainei.

NEHEMIA 13:25 Referans Kwoze

NEHEMIA 13:17

Attu iato kusengkeimi tu to mala’bi’na to Yehuda tu diona apa iato sia ma’kadana’ kukua: Umbara susitu penggauran kadakemi te mipogau’, belanna tang mipamadatu tu allo katorroan?

EZRA 10:5

Ta’kala ke’de’mi tu Ezra, anna suai tu mintu’ pangulu tominaa sia to Lewi sia mintu’ to Israel umpalao sumpa la umpogau’i susite kada iate; umpalaomi sumpa tu tau iato mai.

PA’TOLE 7:3

Sia da duka musipoipa’ tu tau iato; iatu anakmu baine da mupakemuanei lako tau iato, sia da mutarimai tu anakna baine napobaine anakmu.

NEHEMIA 13:11

Kusengkeimi tu mintu’ pangulu tu diona apa iato sia ma’kadana’ kukua: Ma’apai misa’bianganni tu banuanNa Puang Matua? Kurampunmi sule tu tau iato sia kupatama pentoeanna sule.

YESAYA 50:6

Kupopa’elo’na tu boko’ku lako to umbambana’ sia popoku lako to urrotakki sambangku; sia tae’ kutampunni tu lindoku dilo’bo sia ditittudui.

SARAMBU PEADA’ 28:4

Iatu to umboko’i sukaran aluk, umpudi to tang mekaaluk, apa minda-minda ungkaritutui sukaran aluk napomatana’ tu tau iato.

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

NEHEMIA 5:13

Sia kupentambakan tu sepu’ bayu lamba’ku angku ma’kada kukua: Susi dukato Natibe Puang Matua lan mai banuanna sia dio mai iananna tu mintu’ tau tae’ napalanda’i tu pangallu’ iate, nasusito matambak male anna lo’bang. Ma’kadami tu mintu’ kombongan nakua: Amin, sia napudi tu PUANG. Naturu’mi mintu’ bangsana te kada iate.

EZRA 7:26

Minda-minda tae’ naturu’i tu Sukaran alukNa Kapenombammu sia parentana datu, la dipapatui tongan ukunganna: ba’tu dipatei, ba’tu dipali’i, ba’tu didosai, ba’tu ditarungkui.

PA’TOLE 6:13

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

KATASSURAN 34:16

Iake mualai tu anakna tau iato mai la napobaine anakmu, sia iake ma’gau’i umpengkaolai deatanna, manassa la nanaran duka tu anakmu ma’gau’ sala umpengkaolai deatanna.

YOSUA 23:12

Belanna iammi sorong boko’ sia sikalute te mai bangsa torropa, tu misisolan, sia sipoipa’ sia sipobaisen sia sikadamak tu tau iato,

2 DATU 2:24

Messailemi anna tiroi tu pia iato mai, anna tampakki ropu tete dio sanganNa PUANG. Saemi da’dua beruang birang lan mai pangala’, nasepak-sepakki tu pia patangpulondua.

NEHEMIA 13:24

Iatu anakna tau iato mai sangsese ma’basa Asdod, tae’ natandai ma’basa Yahudi, sangadinna pantan unturu’ basana tu bangsa iato.

PA’PUDIAN 119:53

Nakendekkina’ palla napobua’ tu mai to tang mekaaluk tu umboko’imo sukaran alukMi.

NEHEMIA 5:6

Iatongku rangimi tu sarrona tau iato mai sia iatu mintu’nato, re’dekmi ara’ku.