NEHEMIA 13:23 - Sura' Madatu

²³ Iatu attu iato kutiro duka tu ba’tu pira-pira to Yahudi umpobaine to Asdod, to Amon sia to Moab.

NEHEMIA 13:23 Referans Kwoze

NEHEMIA 10:30

Ondongpi mangakumoki’, kumua tae’mo tala umbenni tu anakta baine lako bangsa lan tondok iate sia iatu anakna baine tau iato mai tae’mo tala unnalanni anakta muane napobaine.

EZRA 10:10

Ke’de’mi tu to minaa Ezra anna ma’kada lako tau iato mai nakua: Umpokamokomi kamarurusan, belanna umpobainemokomi baine senga’, tu mipobannang urrangnganni pole’ kasalanna to Israel.

2 KORINTUS 6:14

Da mimisa’ ayoka sola to tang ma’patongan; belanna apara tu kasiduluanna kamaloloan na kabattukan? ba’tu umbara nakua sita’pa masiangna tu malillinna?

NEHEMIA 13:1

Attu iato dibasa tu sura’na Musa, anna rangii bangsa iato, anna diappa’ disura’ lan, kumua tae’ len nama’din tu to Amon ba’tu to Moab tama kombonganNa Puang Matua,

EZRA 10:44

Mintu’nai te umpobainemo baine salian lembang, na dio lu bainena tau iato mai denmo tu undadian pia muane.

NEHEMIA 4:7

Iatonna rangimi Sanbalat sia Tobia sia to Arab sia to Amon sia to Asdod kumua mukkunmo dipemeloi tu rinding tembo’ Yerusalem sia mintu’ lo’po’na dilepe’mo, re’dek tonganmi tu ara’na,

1 SAMUEL 5:1

Naalami to Filistin tu pattinNa Puang Matua, nabaai dio mai Eben-Haezer lako Asdod.

KATASSURAN 34:11

La mukaritutui tu apa Kupepasanan lako kalemu allo iate. Manassa la Kurambai dio mai tingayomu tu mintu’ to Amori sia to Kanaan sia to Het sia to Feris sia to Hewi sia to Yebus.

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

1 DATU 11:1

Iatu datu Salomo ungkamali’mo ba’tu pira-pira baine bangsa senga’, boko’ ia tu anakna Firaun, iamotu baine Moab, Amon, Edom, Sidon na Het,

NEHEMIA 13:24

Iatu anakna tau iato mai sangsese ma’basa Asdod, tae’ natandai ma’basa Yahudi, sangadinna pantan unturu’ basana tu bangsa iato.

NEHEMIA 13:27

Umba la kukua umperangiikomi, namipogau’mo te kakadakean kapua sia tang maruru’komi langngan Kapenombanta, belanna umpobainekomi bangsa senga’?

RUT 1:4

Unnalami baine to Moab sola duai anna pobainei: misa’ disanga Orpa na iatu misa’ disanga Rut; torromi tu tau iato inde to dio agi-agi sangpulo taunna.

NEHEMIA 10:31

Sia iake saei umbaa balukanna tu bangsa lan tondok iate sia ma’rupa-rupa gandung lan allo katorroan la umbalukki, tae’ tala unnallii, ke allo katorroan ba’tu sala umbanna misa’ allo maindan, sia lan taun ma’pempitu iatu mai padang la tapopa’elo’na talo sia iatu mai pa’peindan moi misa’ tae’ tala untungkai.