NEHEMIA 13:1 - Sura' Madatu

¹ Attu iato dibasa tu sura’na Musa, anna rangii bangsa iato, anna diappa’ disura’ lan, kumua tae’ len nama’din tu to Amon ba’tu to Moab tama kombonganNa Puang Matua,

NEHEMIA 13:1 Referans Kwoze

NEHEMIA 9:3

Iatonna bendanmo tu tau iato mai dio inanna, nabasami tau lan mai sura’ Sukaran alukNa PUANG, Kapenombanna, sangtepo allo, anna mangaku sala sangtepo allo sia tukku menomba dio oloNa PUANG, Kapenombanna.

NEHEMIA 13:23

Iatu attu iato kutiro duka tu ba’tu pira-pira to Yahudi umpobaine to Asdod, to Amon sia to Moab.

2 DATU 23:2

Malemi tu datu lako banuanNa PUANG sola mintu’ muane to Yehuda sia mintu’ pa’tondokan Yerusalem sia mintu’ to minaa sia nabi sia mintu’ tau randuk dio mai to bitti’ sae lako to kapua. Nabasami dio pa’peranginna tau iato mai tu mintu’ kada lan sura’ basse, tu diapparan lan banuanNa PUANG.

PENGGAURANNA RASULU’ 15:21

Belanna iatu Musa tempon dio mai dolo-dolana naden tau umpa’pangadaranni lan ke sang tondokoi, belanna dibasan tau tu sukaran alukna lan lu banua pa’kombongan ke allo katorroanomi.

PENGGAURANNA RASULU’ 13:15

Iatonna mangkamo umbasanni tu sura’ Sukaran aluk sia sura’na nabi, mesuami tu mai pangulu banua pa’kombongan lako tinde tau sola duai umpokadai kumua: kamu te siulu’ki, iake denni tu kada la mipa’pakilalan lako te to buda, pokadami.

LUKAS 10:26

Nakuami Yesu lako: Apara tu disura’ lan sura’ Sukaran aluk? Umbara nakua mibasa?

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

YEREMIA 48:1

Diona Moab. Inde sia tu kadanNa PUANGna mintu’ ma’dandan maritik, Kapenombanna to Israel: A’a dikka’ tu Nebo, belanna disanggangmo; matunamo tu Kiryataim sia ditalomo’; iatu tambakuku malangka’ matunamo sia tiramban.

YESAYA 34:16

Paressai tu sura’Na PUANG sia basai; moi misa’ tu mintu’nate tae’ pa’de, sia sikitanan nasang, belanna pudukNa kalena tu mangka ma’kada sia penaanNa tu urrampunni.

NEHEMIA 4:3

Iatu Tobia, to Amon, bendan dio sa’dena, anna ma’kada nakua: Moi nabangunmi tau iato mai, apa iake denni misa’ sindallung ungkondongi tu batu rinding tembo’na, manassa la natuan. –

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

NEHEMIA 2:10

Iatonna rangimi Sanbalat, to Horon sia Tobia, kaunan to Amon, lendu’mi mapa’di’na penaanna, kumua saemo misa’ tau la undakaran melo to Israel.

KADIBILANGAN 22:5

Nasuami tu sumbungan puduk lako Bileam, anakna Beor, lako Petor, tu dio biring salu, lu lako tondok sangbangsana la untambai nakua: Inde sia tu misa’ bangsa tassu’ dio mai Mesir manassa tongan ussitutu’i mintu’ tondok lao, anna ma’tenda ussitingoanna’.

NEHEMIA 8:2

saemi sirampun tu mintu’ bangsa butung to misa’ri dio lu tana lapang dio tingayo babangan Uai. Napalakumi tau iato mai tu Ezra, pandita sura’ la unnala sura’ Sukaran alukna Musa, tu Napa’bengan PUANG lako to Israel.