NEHEMIA 12:47 - Sura' Madatu

⁴⁷ Iatonna linona Zerubabel sia linona Nehemia iatu mintu’ to Israel ussorong pa’duruk lako to menani sia to ma’kampa babangan, pada tu parallunna kiallo-kiallo; sia nasorong tu pamengan maindan lako to Lewi, anna to Lewi ussorongi lako bati’na Harun.

NEHEMIA 12:47 Referans Kwoze

GALATIA 6:6

Sipatu tu to diada’i kadanNa Puang umbenni kataananna tu to mangada’i.

NEHEMIA 12:26

Mintu’nate sangbara’ linona Yoyakim, anakna Yesua, anakna Yozadak sia Nehemia, to maraa, sia Ezra, tominaa sia pandita sura’.

NEHEMIA 12:12

Iatonna linona Yoyakim iami to minaa, tu pangulunna rapu: dio rapunna Seraya, iamotu Meraya; dio mai Yeremia, iamotu Hananya,

NEHEMIA 12:1

Inde sia tu mintu’ to minaa sia to Lewi, tu ke’de’ sola Zerubabel, anakna Sealtiel sia Yesua, iamotu Seraya, Yeremia, Ezra.

NEHEMIA 11:23

Belanna denmo pa’pana’ta’na datu diona tau iato mai, iamotu atoran umpamanassa apa napotuo to menani pada tu paralluna kiallo-kiallo.

2 DATU 7:10

Saemi metamba-tamba tu tau iato mai lako to ma’kampa kota, naparampoi lako nakua: Kilambi’mo tu inan surodadu to Aram, mangngakan, moi misa’ tau tae’mo dio, moi gamara tae’ duka, sangadinna darang mannamo ba’tu pira-pira disangkin sia ba’tu pira-pira duka keledai disangkin sia iatu tenda bendan susi bangsiato dinii.

2 DATU 25:30

Sia tontong nabalantai datu pada tu silasanna napake kiallo-kiallo lan mintu’ katuoanna.

PA’TOLE 18:8

iamoto la napotaa pada taana tu tau dio, tae’ nadipasibilang tu taana dio mai ambe’na, tu mangka nabalukan.

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel: