NEHEMIA 12:29 - Sura' Madatu

²⁹ sia dio mai Bet-Gilgal sia padang nalili’ Geba sia Asmawet, belanna mintu’ to menani ma’tondokmo untikui Yerusalem.

NEHEMIA 12:29 Referans Kwoze

NEHEMIA 11:31

Iatu to Benyamin torro dio inan: randuk dio mai Geba dio Mikhmas, Aya, Betel sola lili’na,

EZRA 2:24

iatu to Asmawet: patangpulo ndua;

1 OSSORANNA DATU 6:60

Na dio mai suku Benyamin iamotu Geba sola padang kariuanna, Alemet sola padang kariuanna, Anatot sola padang kariuanna. Iatu mintu’ kota dipamanassan pa’rapuanna den sangpulo tallu.

YOSUA 21:17

Sia dio mai suku Benyamin iamotu Gibeon sola padang kariuanna, Geba sola padang kariuanna,

YOSUA 10:43

Mangkato sulemi tu Yosua sia mintu’ to Israel nasolan lako to’ tenda dio Gilgal.

YOSUA 5:9

Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.

PA’TOLE 11:30

Tang dioraka sambalinna lu Yordan dio rampe matampu’na batatta, lan tondok to Kanaan, tu ma’tondok dio padang Araba-Yordan, sitingoan Gilgal sikandappi’ kayu tarpin dio More?

NEHEMIA 12:28

Sirampunmi tu mintu’ to menani la dio mai lili’na Yerusalem, la dio mai mintu’ kampongna to Netofa,

NEHEMIA 12:30

Usseroimi kalena tu mintu’ tominaa sia to Lewi, namane usseroi tu to buda, sia mintu’ babangan sia rinding tembo’.

NEHEMIA 13:10

Sia kuissan duka, kumua iatu pa’duruk tae’ nadisorong lako to Lewi, naurungan iatu to Lewi sia to menani, tu umpogau’ kamenomban, pantan naparuku bang sule lako to’ pa’lakna.

NEHEMIA 7:28

iatu muane umpa’tondokki Bet-Azmawet: patangpulo ndua;

NEHEMIA 7:30

iatu muane, umpa’tondokki Rama sia Gaba: annanratu’ duangpulo mmisa;