NEHEMIA 10:31 - Sura' Madatu

³¹ Sia iake saei umbaa balukanna tu bangsa lan tondok iate sia ma’rupa-rupa gandung lan allo katorroan la umbalukki, tae’ tala unnallii, ke allo katorroan ba’tu sala umbanna misa’ allo maindan, sia lan taun ma’pempitu iatu mai padang la tapopa’elo’na talo sia iatu mai pa’peindan moi misa’ tae’ tala untungkai.

NEHEMIA 10:31 Referans Kwoze

SURA’ KATOMINAAN 23:3

Annan allona la nanii tau mengkarang, apa allo ma’pempitu iamo sipatu allo katorroan madatu tongan, iamotu misa’ pa’kombongan masero; moi misa’ pengkarangan da mikarangi, belanna iamo misa’ allo katorroan dipamadatuan PUANG lan mintu’ inan minii torro.

KATASSURAN 20:10

apa allo ma’pempitu iamo allo katorroanNa PUANG, Kapenombammu, allo iato da’ mumengkarang, la iko, la anakmu muane, ba’tu anakmu baine, ba’tu solamu muane, ba’tu solamu baine, ba’tu patuoammu, ba’tu to sae tu torro lan kotamu.

YESAYA 58:6

Tangiaraka te tu puasa Kuporai kumua: bukai tu pepungo kadake sia ko’karanni tu pepori ayoka, musua marampa’i male tu mintu’ to dipandasa, ammu rebong-rebongi tu mintu’ ayoka?

2 OSSORANNA DATU 36:21

dikua anna dipalanda’ tu kadanNa PUANG nalopian Yeremia; sae lako disondaimo taun katorroanna tu padang iato. Natorroimi tu padang iato lan mintu’ allo kasangganganna, kumua anna ganna’i pitungpulo taunna.

SURA’ KATOMINAAN 23:21

Allo ia dukato la metambakomi ammi pogau’ pa’kombongan masero, sia da mikarang dakaran kandemi; iamote tu aluk dipondok matontongan lako bati’mi lan mintu’ inan minii torro.

SURA’ KATOMINAAN 16:29

Iamote tu la dadi atoran matontongan lako kalemi kumua: Ianna bulan ma’pempitu sia allo bunga’na bulan iato la umpamadiongangkomi penaammi, da mimengkarang, moi misa’ pengkarangan da mikarangi, la to Israel, iamotu pa’tondokan, la to sae tu torro dio lu kalemi.

KATASSURAN 12:16

Iato allo tipamulanna na allo ma’pempitunna la den kasirampunan masallo’, allo iato tae’ nama’din tau mengkarang, sangadinna ia manna tu la mikandena simisa’-misa’ ma’din mipasakka’.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

KOLOSE 2:16

Iamoto da naden misa’ tau umpasalakomi tu diona kande ba’tu diiru’na ba’tu lan attu dipakaraya ba’tu bulan ba’ru ba’tu allo katorroan,

MATIUS 6:12

sia pa’dei tu sala budangki, susi kami umpagarri’ salana to kasalan lako kaleki.

KATASSURAN 34:16

Iake mualai tu anakna tau iato mai la napobaine anakmu, sia iake ma’gau’i umpengkaolai deatanna, manassa la nanaran duka tu anakmu ma’gau’ sala umpengkaolai deatanna.

NEHEMIA 13:23

Iatu attu iato kutiro duka tu ba’tu pira-pira to Yahudi umpobaine to Asdod, to Amon sia to Moab.

NEHEMIA 13:27

Umba la kukua umperangiikomi, namipogau’mo te kakadakean kapua sia tang maruru’komi langngan Kapenombanta, belanna umpobainekomi bangsa senga’?