NAHUM 3:10 - Sura' Madatu

¹⁰ Moi nasusito, inang mangka dukamo male dipali’, sia iatu mintu’ pia-pia’na dipessambakan dio lu mintu’ tetuk lalan sia diloterei tu mintu’ to la’bi’na sia mintu’ to kapuana dirante.

NAHUM 3:10 Referans Kwoze

YESAYA 20:4

Ten dukamoto tu Asyur la nasole’ male tu to Mesir dirampa sia tu to Etiopia diali’, to mangura to matua, tang ma’bayu sia tang ma’sepatu sia kakitanan tu palongko’na, tu napomasiri’na to Mesir.

OBAJA 1:11

Iatu allo munii bendan mentiro-tiro, iamotu allo nanii untingkanni to tama sae tu surodadunna sia tama babanganna to salian lembang, anna loterei tu Yerusalem, attu iato susiko to misa’ solana tau iato mai.

YOËL 3:3

Sia naloterei tu taungKu nataa-taa, sia misa’ pia muane napassaroan baine bualang, sia misa’ pia baine nabalukan belanna uai anggoro’, kumua nama’din mangiru’.

BATING 2:19

Millikko ammu sumarro ke bongi, ke randukoi pa’kampan, barrakanni tu penaammu susito uai dio oloNa Puang, popempala’i tu limammu langngan Puang belanna sunga’na anakmu, tu ma’ipu napobua’ katangdiaran dio lu mintu’ kasepangan lalan.

YESAYA 13:16

Sia iatu mintu’ anakna la dipessambakan dio tingayona tau iato mai, mintu’ banuanna la dilo’do’i sia mintu’ bainena la ditoro’-buku.

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

YESAYA 13:6

Sitangirangkomi, belanna mandappi’mo tu alloNa PUANG; sae butung kasanggangan dio mai To umpoissan angge maritik.

PA’PUDIAN 137:8

Sae lako garonto’ tembo’na! E anak dara Babel, tu la sanggang, maupa’ tu to umpapakkanniko, diona tu kakadakean mugaurangkan.

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

AYUB 6:27

Moi anna pia biung la mipa’lotereian duka, sia iatu sangmanemi la mipo- balukan.

PA’PUDIAN 137:9

Ondongpi, maupa’ tu to ulla’ka’i tu mai anakmu, anna passambakanni lako batu.

PA’PUDIAN 149:8

Anna pungoi tu mai datunna, sia anna rante bassii tu mai to la’bi’na.

YESAYA 19:4

AngKu sorongi tama lisu pala’na puang masago-sago tu to Mesir sia lako datu masa’ga’ anna parentai, kadanNa Puang, PUANGna mintu’ ma’dandan maritik.

YEHEZKIEL 29:7

Ianna la’ka’iko limanna tu tau iato mai, tibangkoko sia mupatipa’pak tu palempengna sola nasang; ianna sissareiko, le’tomoko sia mupopa’lento-lento tu aakna.