NAHUM 2:8 - Sura' Madatu

⁸ Iatu Niniwe susi misa’ limbong ponno uai randuk bendanna; totemo lolongmo tu uainna male. Tadangkomi, tadangkomi, apa moi misa’ tau tae’ tibalik.

NAHUM 2:8 Referans Kwoze

KADA OMBO’ LAKO RASULU’ YOHANES 17:15

Nakuami lako kaleku: Iatu mintu’na uai mutiro dio inan nanii unno’ko’ pa’gau’ sala iato, iamora tu ba’tu pira-pira to sangpetayanan sia to tang dipetayanni sia mintu’ bangsa sia basa.

KADA OMBO’ LAKO RASULU’ YOHANES 17:1

Saemi misa’ tu malaeka’ pitu tu umbaa pitu gori-gori iato, umpa’kadaina’ nakua: Maiko la kupakitangko ukungan lako pa’gau’ sala masarrang tu unno’ko’ dio to’ uai buda;

NAHUM 3:17

Iatu mintu’ tau la’bi’mu susi batik sia iatu to diala pareamu susi sangtuntunan batik londong, tu ma’kaponan dao lu rinding tembo’, ke attu madingin, iake bu’tumi allo, malemo mettia’, naurungan tae’mo ditandai tu inanna. Umbamira nanii?

YEREMIA 51:30

Iatu mintu’ pa’baraninna Babel natorroimo parari, sia unno’ko’ tu tau iato mai lan tu tambakuku; tae’mo tu kabaranianna, susimoto baine. Iatu banuanna tappumo diballa sia iatu salli’ ba’bana puramo disanggang-sanggang.

YEREMIA 50:16

Pisanni lan mai Babel tu to mangambo’ sia iatu to sitoe sae’, ke attu pegandungan. Belanna iatu kandean pa’dang masang tongan la pantan sule lako bangsana sia pantan mallai lako tondokna.

YEREMIA 46:5

Ma’apai angku tiroi tu tau iato tiramban sia sorong boko’? Iatu mai pa’baraninna ditalomo anna tarru’ liu mallai tang messaile len: dadimi tu katirambanan tiku lao! kadanNa PUANG.

YESAYA 48:20

Tassu’komi lan mai Babel, mallaikomi dio mai to Kasdim; sikumalasilasiangkomi umpa’peissananni, sia umpa’perangianni sia umpatale’i sae lako randan langi’, kumua: Narampanammo PUANG tu Yakub, taunNa.

YESAYA 47:13

Iake boyo’moko ma’timbang-timbang, melo ke ke’de’i totemo anna rampanangko tu mintu’ to umpelalan bintoen sia tu to umparessa a’ganna bintoen, sia umpokadai tu apa la urrampoiko ke bulanoi.

YESAYA 13:14

Tau iato mai la ten kijang diula’ sia la sangtinti domba tang dikambi’ pantan la sule umpengkara’pai bangsana sia pantan mallai umpengkaa’i tondokna.

KADADIAN 10:11

Iamote tondok iate nanii sun male lako Asyur anna bangun tondok Niniwe, Rehobot-Ir, Kalah,

YEREMIA 51:13

E iko tu unno’ko’ dio to’ uai luang sia ma’ianan buda, nalambi’mo lampakmu sia nadete’mo sumpu suka’mu.

YEREMIA 47:3

napobua’ pentengkana darangna sia mongngo’na mintu’ karetana sia garutukna mintu’ rodana. Iatu mintu’ ambe’ tang messailemo lako anakna, belanna katangtikambeanna limanna,

NAHUM 1:1

Kada Napa’petanggungan Puang Matua diona Niniwe. Sura’ patiro mendeatanna Nahum, to Elkosh.

YESAYA 38:14

Susi kaluppini’ ma’kisi’-kisi’, susi dukamoto tu gamarangku. Mamali’na’ mentingara lu langngan, o PUANG; mataku’na’, Kamu la unnindo’ina.

YESAYA 59:11

Umburrung nasangki’ susito beruang sia ma’seppukuki’ susito bu’ku; umpeagiki’ katonganan, apa tae’; untayanki’ katilendokan, apa mambela dio mai kaleta.