NAHUM 2:5 - Sura' Madatu

⁵ Nainaa-naamo tu mintu’ pa’baraninna – sasa-sasa tu tau iato mai anna tilende’, tikara-kara tu tau iato mai male lako rinding tembo’na –, apa sakka’mo tu papa menarana to ma’tumbuk tembo’.

NAHUM 2:5 Referans Kwoze

YEREMIA 46:12

Iatu kamatunammu narangimo mintu’ bangsa, sia naponnoimo sarromu te lino, belanna sititodo-todoammo tu mai to lalong, napada tibambang.

NAHUM 3:18

Mintu’ tu to mangkambi’mu mamma’mo, e datu Asyur, sia iatu to kapuammu timbambangmo; iatu taummu tisambo’mo dao lu mintu’ buntu, sia moi misa’ tau tae’mo urrampunni.

NAHUM 3:3

Na iatu darang metteba’, sia mintu’ tu pa’dang pandila-dila sia mintu’ doke dukku-dukku; lendu’ budanna tau dipatei sia buda tu to mate, sia tae’ upu’na tu batang rabuk, anna potitodoanni tau iato mai.

YEREMIA 50:29

Arrakki tu mintu’ to ma’pana ullaoi Babel sia mintu’ to umbinting panana; patama limbui, da naden misa’ tau mallai tilendok! Pabala’i sitinaya mintu’ penggauranna sia pogau’i lako susitu mintu’ apa mangka napogau’. Belanna matampo pabali-bali lako PUANG, tu Tomaserona to Israel.

YESAYA 21:5

La dipasakka’raka tu meda, diballa’raka tu ampa’ la kumanderaka sia mangiru’ tu mai tau? – Ke’de’komi e arung, ammi boka’i tu mai balulang!

YESAYA 5:27

Iatu tau iato mai tae’i misa’ tu la kopa sia la titodo, tae’i misa’ la tikkaru’du’ ba’tu leppeng ba’tu ungko’ka’i salipi’na ba’tu la ka’tu tu ulang sepatunna.

NAHUM 2:6

Iatu babangan dio mintu’ randan salu tibungka’mo, na iatu tongkonan layuk tiseno-seno.

HABAKUK 1:8

Iatu darangna mandu malinta’ na iatu arimau buluh, sia mandu matira’ na iatu guruk ke bonginna; mintu’ tu darangna sia pakkanarangna sae tiantak-antak, mambela nanii sae langkan maega tu ussiok kandena.