NAHUM 2:1 - Sura' Madatu

¹ Iatu tau ma’patisambo’-sambo’ ke’de’mo la ullaoiko; kampai tu tambakuku, ma’penniroko dio lu lalan, pori tu aakmu, pematoto’i tonganni tu kalemu.

NAHUM 2:1 Referans Kwoze

2 OSSORANNA DATU 25:8

Apa male bangmokomi, pogau’mi tu iannato, pabatta’i tu kalemi parari: manassa Puang Matua la umbambangangkomi dio tingayona uali, belanna kuasa tu Puang Matua patunduan sia kuasa duka pabambangan.

YEREMIA 50:23

Umba nakua anna le’tomo sia pokamo tu pepa’tongna mintu’ lino. Umba nakua tu Babel anna dadimo misa’ apa megiangan dio lu mintu’ bangsa.

YESAYA 14:6

Tu sengke umbamba tang sore-sore tu mintu’ to sangpetayanan sia tu arasan ullullu’ sia umpakario-rio mintu’ bangsa situang katangmamasean.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

PA’PUDIAN 65:2

Lan Sion sipato’ nanii kendek pudi-pudian mati’ Kalemi, situang penaa rapa’, o Puang Matua; sia mati’ Kalemi la kinii umpalesso’ pangallonangki.

YESAYA 29:7

Attu iato iatu mintu’ bangsa tu urrarii Pantunuan pemalaran la sangtinti to tindo sia patiro mamma’, iamo mintu’ to ullaoi sia ullaoi tambakukunna sia iatu mai to umpandasai.

YESAYA 29:8

La susito topo ma’tindo kumande, apa iake pana’dingi tangdia’ bangsia ba’tu susito ma’rang ma’tindo mangiru’, apa iake pana’dingi inang longgo’ sia ma’rang bangsia; susi dukamoto tu mintu’ bangsa nasirarian Sion.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.