NAHUM 1:9 - Sura' Madatu

⁹ Moi apa tu mitangnga’ la unnea PUANG, Nasanggangi duka, tae’ napenduanni bu’tu tu kadipapussakan.

NAHUM 1:9 Referans Kwoze

PA’PUDIAN 33:10

PUANG umpatangdanun pa’timbanganna mintu’ bangsa, sia undampa tangnga’na mintu’ to sangpetayanan.

PA’PUDIAN 21:11

La Misabu’i tu bati’na lan mai lino, sia lanto mimi’na lan mai mintu’ ma’rupa tau.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

2 KORINTUS 10:5

Naurunganni umbambangan mintu’ kadanna tau, sia mintu’ apa matande unnea kapaissanan diona Puang Matua, sia urrampakan mintu’ tangnga’ kipopengkaolai lako Kristus;

NAHUM 1:11

Dio mai kalemu tassu’mo misa’ tau untannun kadake unnea PUANG, tu misa’ tau untangnga’ kabulitukan.

1 SAMUEL 26:8

Nakuami Abisai lako Daud: Allo ia duka te Nasorongi Puang Matua tu ualimmi tama limammi. Da’ito kupissanni kurok doke iate anna silinda’ padang, da kupenduanni kurok.

1 SAMUEL 3:12

Attu iato la Kuparampoan Eli mintu’ apa tu Kupokada diona to lan banuanna randuk dio mai tipamulanna sae lako ma’katampakanna.

2 SAMUEL 20:10

Tae’mi nakatangkinni Amasa tu pa’dang dio limanna Yoab; natobokmi Yoab tu tambukna, anna tiampa’ tu tambukna rokko padang; tae’mo napenduanni natobok, belanna matemo; malemi to tu Yoab sola Abisai, adinna unnula’ Seba, anakna Bikri.

YESAYA 28:22

Kilalai, da mimangelle’, da ammi arra’i polei tu pungomi; belanna kurangimo dio mai Puang PUANGna mintu’ ma’dandan maritik, kumua den kasanggangan – sia tang podo’mo – la urrampoi mintu’ padang iate.

YEREMIA 51:64

Sia la mukua: Susimote tu Babel la tallan anna tae’mo nala kendek sule napobua’ kasanggangan Kuparampoanni. Padamo te tu kadanna Yeremia.

YEHEZKIEL 7:5

Inde sia tu kadanNa Puangta PUANG Nakua: Situru’-turu’ tu kamandasan! Tonganna saemo!

YEHEZKIEL 21:5

Anna issanni mintu’ angge menaa, kumua Akumo, tu PUANG, tu unnonok pa’dangKu, anna tang sibanuamo sule.

HOSEA 7:15

Moi Kuada’i sia Kupamawatang tu takia’na, apa nenne’ bang untangnga’ kadake unneaNa’.