NAHUM 1:7 - Sura' Madatu

⁷ Iatu PUANG masokan sia misa’ pentirerungan lan attu kapussakan; Natandai duka Ia tu mintu’ to umpentirerungI.

NAHUM 1:7 Referans Kwoze

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

YOHANES 10:27

Mintu’na tu dombaKu urrangi gamarangKu, sia Kutandai, sia sangundian urrundu’Na’,

BATING 3:25

Masokan tu PUANG lako tu umpeagii, sia lako tu penaa umpeangI.

YOHANES 10:14

Akumo tu to mangkambi’ masokan; Kutandai tu mai pangkambi’Ku, sia natandai dukaNa’ tu pangkambi’Ku,

PA’PUDIAN 100:5

Belanna iatu PUANG masokan, na mamaseNa tontong sae lakona, sia iatu kamarurusanNa landa’ lako disituran-turananni.

PA’PUDIAN 27:5

Belanna iake nalambi’na’ kamaparrisan Napalanna’ barungNa, sia Narerungna’ lan ongan tendaNa, Napakendekna’ langngan buntu batu.

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

PA’PUDIAN 1:6

Belanna Natandai PUANG tu lalanna to malambu’, apa iatu lalanna to tang mekaaluk ma’palulako kasanggangan.

GALATIA 4:9

Apa totemo, tu untandaimokomi Puang Matua, ontongpi Natandaimokomi Puang Matua, umba nakua ammi balik pole’o lako tu aluk lino dolo, tu langga’na sia kalala’na, naurunganni la umpopengkaola pole’omokomi kalemi lako?

YESAYA 25:4

Belanna Kamumo tu pentilindungan matoto’na to bitti’, sia pentilindungan ma’toto’na to bongko lan kapu’duranna, sia pentirerungan, ke uran bara’i, sia pentionganan, ke sarrangi tu allo. Belanna iatu urrungna to masa’ga’ susimoto uran bara’ untu’ba’ benteng tembo’ susi lassu’ dio to’ padang marangke.

1 OSSORANNA DATU 16:34

Pudimi tu PUANG, belanna masokan Ia, sia iatu kamasokananNa tang tileluk sae lakona.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

PA’PUDIAN 86:7

Iake mandasana’ meongli’na’ mati’ Kalemi, belanna tae’ amMi tang umperangiina’.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

PA’PUDIAN 25:8

Iatu PUANG masokan sia manappa’, iamoto anNa ada’i lalanNa tu to kasalan.

DANIEL 3:28

Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.

PA’PUDIAN 71:3

Sangapaoi anna Kamu kupobuntu batu pentirerungan, angku tang ka’tu male lako; tu mangkamo Midullu la kupoinan makarimman, belanna Kamumo buntu batungku sia tambakukungku,

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

PA’PUDIAN 59:16

Tau iato mai palong undaka’ kande, sia unnurrung-urrung, ke tae’i nadia’,

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

DANIEL 6:23

Iatu Kapenombangku ussua malaeka’Na ungkamummu’i tu sadang singa, anna tae’ napatumba lenna’, belanna tae’ angku sala dio oloNa sia tae’ duka kupogau’ kadake lako kamu, datu.

ROMA 11:22

Iamoto karitutui tu kamasokananNa sia kamakarrasanNa Puang Matua; iatu kamakarrasanNa lu lako to tobangmo, apa iatu iko kamasokananNa iko Puang Matua, ke tontongko lan kamasokananNa. Iake tae’i, la dita’takki dukako.

2 OSSORANNA DATU 32:21

Nassuami PUANG tu misa’ malaeka’ la ussanggangi tu mintu’ pa’barani, arung sia kamandang dio to’ tendana surodadunna datu to Asyur, naurunganni sule lako tondokna natoding siri’. Iatonna tamamo banuanna deatanna, napateimi pa’dang anak dadianna.

MATIUS 27:43

Rannu lakomo Puang Matua, da’ito na Puang Matua duka ungkarimmanNi totemo, ke Naporai Puang Matua; belanna nakua: AnaknaNa’ Puang Matua.

MATIUS 7:23

Attu iato la Kupamaleso tu kadangKu lako tau iato kumua: Tae’pa Aku Kutandai lenkomi; pallaikomi dio mai Kaleku, e kamu to umpogau’ kakadakean.

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

2 OSSORANNA DATU 32:11

Tang Hizkiaraka umpapusakomi la ussorongkomi lako kamatean napobua’ tangdia’ sia ma’rang, nakua: PUANG, Kapenombanta, la urrampanangki’ lan mai kuasanna datu Asyur.

2 OSSORANNA DATU 32:8

Iatu nasolan takia’ duku’ bangri, apa iatu tasolan iamo PUANG, Kapenombanta, tu la untunduiki’ sia umpalalo mintu’ rarinta. Naposande’mi to buda tu kadanna Hizkia, datu Yehuda.

1 OSSORANNA DATU 5:20

Ditunduimi tu tau iato mai sirari to Hagri, naurunganni iatu to Hagri sola mintu’ solana disorong tama limanna, belanna meongli’ lan kasirarian lako Puang Matua, anNa perangii tu pasambayangna, belanna ma’rannuan lako.

PA’PUDIAN 20:1

Lu lakona pangala sengo. Pa’pudianna Daud.

PA’PUDIAN 37:39

Apa iatu kasalamaranna to malambu’ bu’tu lu dio mai PUANG, Iamo pentirerunganna lan attu kamaparrisan.

PA’PUDIAN 37:40

PUANG la untundui sia la urrampananni, Ia urrampananni dio mai to tang mekaaluk sia urrinding pala’i, belanna mentilindung lako Kalena.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 17:17

Da Midadi apa metakuran lako kaleku; Kamumo pentirerungangku ke allo kamandasan.

YEREMIA 24:5

Inde sia tu kadanNa PUANG, Kapenombanna to Israel, Nakua: Susite bua ara melo, susi dukato la Kutiro tu mintu’ to dipali’ dio mai to Yehuda tu la napomelona, tu Kupalele dio mai inan iate lako tondok to Kasdim.

YOËL 3:16

Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni tigega’ tu langi’ sia lino. Apa PUANGmo tu misa’ pentilindungan lako taunNa sia misa’ kota tambakuku lako to Israel.

ZEFANYA 3:12

Sia la Kupatorro dio lu kalemi tu mai to mase-mase sia to bitti’ sia iatu mai to umpentilindungi sanganNa PUANG.

2 OSSORANNA DATU 13:18

Susimoto tu to Israel dipamatuna, apa iatu to Yehuda pasau’mo, belanna tau iato mai umposande’ PUANG, Kapenombanna nene’ to dolona.

PA’PUDIAN 9:10

PUANGmo tu napobenteng malangka’ mintu’ to dipakario-rio, Iamo tambakuku lan attu kamandasan.

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.