NAHUM 1:4 - Sura' Madatu

⁴ Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.

NAHUM 1:4 Referans Kwoze

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.

PA’PUDIAN 106:9

Nasarabai tu tasik Teberau, anna marangke, anNa solanni tu tau iato mai ullamban tasik mandalan butung to unnola rante pama’.

YESAYA 51:10

Tang Kamuraka tu umpamere tasik sia uai tasik kalua’ sia umpopembali lalanni tu tasik mandalan, kumua anna olai lamban mintu’ to Mirampanan?

YESAYA 44:27

Akumo tu ma’kada lako malikunna, kumua: Mandalle’ko, sia mintu’ salummu la Kupamarangke.

PA’PUDIAN 114:5

E tasik, ma’aparoko ammu mallaira susito? Sia iko, e Yordan, ammu lolong sulera?

PA’PUDIAN 114:3

Mallaimi tu tasik tonna tiroi tu iannato, sia lolong sule tu Yordan;

PA’PUDIAN 104:7

Belanna pa’pakarrangMi anna sore tu uai, sia belanna galugumMi tilulunmi tu uai mallai;

PA’PUDIAN 74:15

Kamumo umpabu’tu kalimbuang sia umpalolong uai salu, sia umpamarangke salu kapua.

MATIUS 8:26

Nakuami ungkuanni: Ma’apai ammi mataku’, e to tangkan ma’patongan? Mangkato milikmi, Nata’tanni tu angin sia bombang; rapa’ bangmi.

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

AMOS 1:2

Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

YEHEZKIEL 30:12

La Kupamarangke tu messarakna salu Nil sia iatu tondok iato la Kusorongan to bulituk; la Kusanggang tu tondok iato sola tu mintu’ apa lan tete dio limanna to tama sae. Akumo, PUANG, tu mangka umpokadai tu iannato.

AYUB 38:11

tongKu ma’kada Kukua: Rampo indemokote sia da mulendu’i, indemote tu nanii torro tu sumopana bombangmu!

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

2 SAMUEL 22:16

Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakNa PUANG, sia belanna pa’pamurru’na penaanNa dao mai illongNa.

YESAYA 42:15

La Kupamampu’ tu mai buntu sia tanete sia la Kupamalayu tu mai to’ kayunna, la Kupopenggantanan tu salu sia la Kupama’ti tu limbong.

YEHEZKIEL 38:20

La ma’parondo dio oloKu tu mai bale lan lu tasik sia manuk-manuk dao lu langi’, olo’-olo’ dio lu padang sia mintu’ olo’-olo’ mendonglo’, tu menono’ dao kuli’na padang sia mintu’ tolino, tu tuo dao kuli’na padang; mintu’ buntu la tuan, mintu’ aa’ mi’lan la umbanasa sia mintu’ rinding tembo’ la ro’pok.

PA’PUDIAN 18:16

Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakMi, o PUANG, sia belanna pa’pamurru’na penaamMi dao mai illongMi.