NAHUM 1:3 - Sura' Madatu

³ Iatu PUANG kalando pesuka’, moi anna kapua kamatotoranNa, tae’ duka Ia na la tang mangukung. Lumingka naturu’ talimpuru’ sia angin bara’, sia salebu’ butung barra’-barra’ diong to’ lette’Na.

NAHUM 1:3 Referans Kwoze

PA’PUDIAN 147:5

Pasareoangan tu Puangta sia sumpu kuasa, tang dilambi’ tu tangnga’ kinaanNa.

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

PA’PUDIAN 145:8

Iatu PUANG maturu-turu sia mamase, kalando pesuka’ sia kapua tu kamasokananNa.

PA’PUDIAN 104:3

Iamo umparandanganni lan to’ uai tu inan ma’duang papa’na, Ia umpokareta salebu’, Iamo sumalong-malong dao pani’ angin.

PA’PUDIAN 103:8

Iatu PUANG sumpu mamase sia sa’pala buda, kalando pesuka’ sia kapua kamasokananNa.

YAKOBUS 1:19

Kanassai te iannate, e sangsiuluran pa’kaboro’ku. Melo ke mintu’ tau matira’ ma’perangi, napela’i ma’kada-kada sia sengke.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

AYUB 9:4

Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

KADIBILANGAN 14:18

PUANG tu kalando pesuka’ sia kapua kamasokananNa, tu umpagarri’ kakelokan sia kapatodo-tintingan, tu tae’ Naeloranni tang la diukung tu to sala, apa Napapakkanni tu kakadakeanna mintu’ ambe’ sae lako anakna sae lako osso’ ma’pentallunna sia ma’penna’pa’na.

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

MATIUS 26:64

Nakuami Yesu lako: Susimo tu kadammi. Apa Kukua mati’, randuk te totemo ammi kitai tu Anak rampan dilino unno’ko’ dio kananNa To umpoissan angge maritik, sia sae lan gaun dao mai langi’.

YUNUS 4:2

Massambayangmi lako PUANG nakua: O PUANG, tang mangkamoraka kupokada, tongku lanpa tondokku? Iamoto angku padoloi mallai lako Tarsis, belanna kuissan, kumua iatu Kamu Kapenomban sumpu mamase sia sa’pala buda, kalando pesuka’ sia kapua tu kamasokananNa sia umpenassanni tu diona kamandasan.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

PA’PUDIAN 62:11

Da mirannuanni tu apa mipabu’tu ma’pakario-rio, sia da miparannuan lo’bangi tu apa mipabu’tu mangrampa; iake memba’ka’i tu iananmi, da mipala’ka’ lakoi tu penaammi.

AYUB 38:1

Napebaliimi PUANG tu Ayub lan mai angin bara’ sia ma’kada Nakua:

AYUB 10:14

kumua iake kasalammo’, manassa Mipemarangana’ sia tae’ Mibilang maserona’ dio mai kakelokangku.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

PA’PUDIAN 50:3

Iatu Kapenombanta la sae tae’ nala ma’pakappa, dio oloNa den api la ma’pamampu’, sia naguririkkI angin bara’.

2 SAMUEL 22:10

Napalempemi tu langi’ anNa mengkalao. Na iatu lillinan parrak diongna lu lentekNa.

YESAYA 29:6

Iatu PUANGna mintu’ ma’dandan maritik la sae untunduiko guntu’ sia lino’ sia galugu kapua sia talimpuru’ sia bara’ na api ma’kande pu’pu’.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

HOSEA 8:7

Belanna unnambo’mo angin tu tau iato mai, tae’ duka nasalai tang talimpuru’ napolean: la langko tu gandung, iamo tananan, tu tang la umpaden ta’pung; moi naden issinna, to tama sae la unnampello’i.