NAHUM 1:12 - Sura' Madatu

¹² Inde sia tu kadanNa PUANG: Moi anna tepu tu kamatotoranna sia moi tarru’ buda, manassa la susi dukato tu tau iato mai la disasa’, naurunganni tappu. Moi angKu mangka unti’tinko, manassa tae’mo Kula untolei unti’tinko.

NAHUM 1:12 Referans Kwoze

YOËL 2:19

Mebalimi tu PUANG lako taunNa Nakua: Manassa la Kupasaeangkomi gandung, uai anggoro’ ba’ru sia minna’, ammi podia’i, sia tae’ lenmo Kula ussa’biangankomi natatta mintu’ bangsa.

KADA OMBO’ LAKO RASULU’ YOHANES 7:16

Tau iato mai tae’mo nala tangdia’ len ba’tu ma’rang sia tae’mo nala’da’i allo ba’tu apa malassu:

NAHUM 1:15

Tiromi dao buntu tu lette’na to umpa’pekareban kaparannuan, tu umpatumale’ kasalamaran. Pakarayai, e Yehuda, tu pa’gaurammu, pasundunni tu mintu’ pangallonammu! Belanna iatu to bulituk tae’mo nala lendu’ dio tondokmu, saba’ mangka nasangmo disabu’i.

DANIEL 11:10

Na iatu mai anakna la ma’pasakka’ parari sia la urrampun ba’tu pira-pira tuntunan surodadu kamban; namisa’i tu la male ullaoi datu rampe Daanna lu, sia samasai-sainna ma’parekan susi to uai saba’, sia tonna torroi naparandukomi palaoan sae lako bentengna.

YESAYA 51:22

Nakua tu kadanNa Puangmu PUANG, iamotu Kapenombammu, tu untonganan taunNa: La kualaimo lan mai limammu tu irusan nanii apa melango; sia tu lanna irusan nanii kamare’dekangKu tae’mo ammu la unniru’i.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

YESAYA 31:8

Iatu Asyur la tibambang nakande pa’dang, tangia penai muane, sia la nakande tangia penai tolino, sia la mallai duka lussu’ dio mai penai iato sia mintu’ to manguranna la mengkanorong dipokaunan.

YESAYA 30:19

E bangsa Sion, tu torro dio Yerusalem, tae’mo mila tontong tumangi’, manassa Ia la ungkamaseikomi, ke Narangii tu peongli’mi, ianNa rangii manassa Napebaliikomi.

YESAYA 17:14

Iake makaroenni inang manassa den katirambanan, anna iake tae’pi natilalek masiang, pa’demi tu tau iato mai. Iamote tu serongna to mangka umpanglo’do’iki’ sia dalle’na mintu’ to umpangrampaiki’.

YESAYA 8:8

La tarru’ lu tama Yehuda anna tu’ba’i sia nalempa’i, naurungan ullambi’i tu barokona, anna samboi pani’na tu mintu’ padangmi, e Imanuel!

YESAYA 7:20

Allo ia dukato la Naku’ku’i PUANG piso peku’ku’ diindan dio mai sappia’ salu, iamotu datu Asyur, tu beluak sia mintu’ bulu lentek sae lako danggo’ la Naku’ku’i.

2 DATU 19:37

Den pissan tonna menomba lan banuanna Nisrokh, tu napodeatanna, napateimi pa’dang anakna, disanga Adramelekh sia Sarezer, anna mallai lussu’ sola duai lako tondok Ararat, anna Esarhadon, anakna, ussondai dadi datu.

2 DATU 19:35

Iatonna bongi iato tassu’mi tu Malaeka’Na PUANG, Napateimi tu surodadunna to Asyur saratu’ karuapulona llima sa’bu. Iatonna millik tu tau melambi’, natiroi tu mintu’nato, batang rabuk mannamo.

KATASSURAN 12:12

Bongi ia dukamote angKu la ussalongi tondok Mesir sia la umpata’pai lima tu mintu’ anak pa’bunga’ lan Mesir, la to lino sia olo’-olo’; sia la Kupaolai salunna tu mintu’ deatanna to Mesir, tonganna Akumo tu PUANG.

YESAYA 10:16

Iamoto anNa popembali madokoi Puang, iamotu PUANGna mintu’ ma’dandan maritik tu kale malompona sia diongna lu kamala’biranna den tu apa ma’lana-lana susi api dukku.