NAHUM 1:10 - Sura' Madatu

¹⁰ Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

NAHUM 1:10 Referans Kwoze

MIKHA 7:4

Iatu melona dio lu tau iato mai susi bang to duri na iatu ma’bulo sanglampana mandu kadake na rompo pondan. La rampo tu allona to ma’kampamu, sia ukungammu! Attu iato la narampoi kamagiangan tu tau iato mai.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

NAHUM 3:11

Iko duka la malango sia limpu-limpu, sia la undaka’ko pembunian dio mai uali.

YESAYA 9:18

Tu belanna kare’dekanna ara’Na PUANGna mintu’ ma’dandan maritik anna kandei api tu tana iato, anna potaai api tu pa’tondokan naurunganni tae’mo nakatirinnai siulu’na tu tau.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

YEREMIA 51:57

Sia la Kupamalango tu mai arungna sia to matarru’na sia to marayanna sia to ma’parentana sia pa’baraninna, naurunganni tarru’ leppeng sae lakona sia tang pandiu len, kadanNa Datu, tu digente’ PUANGna mintu’ ma’dandan maritik.

YEREMIA 51:39

Iake sirarrangammi tu tau mangiru’ la Kuparandanan pa’maruasan mangiru’ angKu pemalangoi, anna limpu tobang tu tau iato mai, naurungan tarru’ leppeng sae lakona sia tang pandiu len, kadanNa PUANG.

YESAYA 27:4

Tae’mo anna kabu’Na’ kasengkean; umba-umba Kunii ungkabu’tui duri sia a’da’, Kulaoi, angKu purai nasangi Kuballa.

PA’PUDIAN 68:2

Ke’de’ tu Puang Matua, namintu’ ualinna sisarak-sarak, angganna to ungkabiri’i mallai dio mai oloNa.

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

1 SAMUEL 25:36

Iatonna rampomo tu Abigail lako Nabal, natiromi: lan banuanna den misa’ pa’maruasan susi pa’maruasan datu sia parannu paiman tu penaanna Nabal sia lendu’ ia malangona. Iamoto anna moi sangbuku kada tae’ napokada Abigail lako kalena, la kapua, la bitti’ sae lako melambi’na.

PA’PUDIAN 118:12

Nasikarupuimo’ tau iato mai, susito enoan, apa pa’de poton susi api dio ranga’-ranga’; tete dio sanganNa PUANG angku pisanni.

YESAYA 47:14

Manassa iatu tau iato mai la susito dalame nakande api naurunganni tae’ nakullei urrampanan kalena dio mai api ma’laka-laka, belanna iatu api iato tangia ruaya la dipendarang sia tangia api la direke’ unno’ko’.

YESAYA 56:12

(Ma’kadami nakua): Maikomi, angku alangkomi uai anggoro’, anta iru’ pangiru’ mepamalango; susite allo totemo, susi dukato masiang, mandu pole’pa marua’na.

KATASSURAN 5:12

Sisarak-sarakmi tu to buda lan lu mintu’ tondok Mesir la urrampun dalame la dita’tak-ta’tak.

KATASSURAN 15:7

Tete dio kamala’biran kapuaMi, amMi sanggangi tu mintu’ to pabali-bali lako kalemi; Mipalalomo tu kasengkean maparrangMi, anna mampu’i tu tau iato mai butung ta’pian.