MIKHA 7:8 - Sura' Madatu

⁸ Da muposendei tu a’gangku, e uali baine: moi angku tobang, manassa la bendanna’ sule; moi angku unno’ko’ lan kapittukan, manassa PUANG la dadi arrangku.

MIKHA 7:8 Referans Kwoze

YOHANES 8:12

Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

PA’PUDIAN 112:4

Iatu lu lakona to ma’bulo lollong bu’tu ia tu Masiang lan malillinna, Iamo Ia tu maturu-turu sia mamase na malambu’.

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

OBAJA 1:12

Da musende untiroi tu allona siulu’mu, iamo allo kamandasanna, sia da muparannu diona to Yehuda ke allo kasangganganna tau iato mai, da mupakapua kada ke allo kapu’duranna.

2 KORINTUS 4:6

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.

PA’PUDIAN 38:16

Belanna Kamumo kutayan, o PUANG; manassa la Mipebaliina’, o PUANG, Kapenombangku.

KADA OMBO’ LAKO RASULU’ YOHANES 22:5

Tae’mo nala bongi len, sia tau iato mai tae’ nala umpiang arrang palita sia arrang matallo, belanna Puang Kapenomban la unnarrangi, sia la ma’parenta tu tau iato mai tontong sae lakona.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

AYUB 31:29

Iangku parannu diona kamandasanna to ungkabiri’na’ sia mela’tek ke narampoi kamatilakan,

PA’PUDIAN 97:11

Iatu arrang dipasomboan to malambu’, sia iatu kaparannuan dipabu’tuan to bulo lollong.

YEHEZKIEL 35:15

Susitu kasendeammu, belanna sanggangmo tu mana’ to Israel, la susi dukato Kupogau’ lako kalemu: la mempadang lo’bangko, e iko buntu Seir, ondongpi e iko mintu’ lili’na Edom. Anna tandai tau, kumua Akumo tu PUANG.

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.

YOHANES 16:20

Tonganna tongan Kukua mati’, kumua la tumangi’komi sia umbating, apa iatu issinna te lino parannu; iate kamu te la masussakomi, apa iatu kamasussammi la membali kaparannuan.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

YEHEZKIEL 25:6

Belanna inde sia tu kadanNa Puangta PUANG: Belanna massala’pa-la’pamoko sia mentarassa-rassamoko sia lendu’ parannummu untelle-telle tondok Israel, tu umpamapallai,

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

AMOS 9:11

Allo iato la Kupabendan sule tu lantangna Daud, tu robokmo, sia la Kupasule tu rassakna, sia la Kupabendan sule tu ro’pokna; la Kubangun sule susi to dolona,

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

YEREMIA 50:11

Moi parannu-rannukomi sia unnarrak-arrak, e mintu’ pangrampa mana’Ku, moi mekkondong-kondongkomi susitu anak sapi lan lu to’ riu kamban sia ma’mehe’-mehe’ susi darang laki,

YESAYA 49:9

sia la umpokadanni to dipattang kumua: Tassu’komi sia lako to lan mapi’tukna kumua: Sunkomi lako masiangna! Iatu tau iato mai la dikambi’ dio lu lalan sia mintu’ tanete nanii undaka’ kande.

YESAYA 2:5

Maikomi, e bati’na Yakub, la lolang lanki’ arrangNa PUANG.

PA’PUDIAN 37:24

Moi anna tobang tae’ anna sumpandan tarru’, belanna PUANG untoei tu limanna.

PA’PUDIAN 37:21

Iatu to tang mekaaluk massuka’ natae’ napasulei, apa iatu to malambu’ maturu-turu anna mamengan.

KADA OMBO’ LAKO RASULU’ YOHANES 21:23

Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

2 KORINTUS 4:9

dipakario-riokan apa tae’ angki disa’biangan; dipemparrakangkan apa tae’ angki sanggang.

PA’PUDIAN 20:8

Den tu tau ussattuan kareta, sia den ussattuan darang, apa iatu kita ussattuangki’ sanganNa PUANG Kapenombanta.

YEREMIA 8:4

La mupokada lako tau iato mai kumua: Nakua kadanNa PUANG: Denraka to tobang anna tang malimbangun sule, denraka to sumepang senga’ anna tang tibalik sule?

YEREMIA 48:27

Tang mutelle-telleraka tu to Israel; dikabu’tuiraka sola to boko, muurunganni unniling-iling, ke mulambi’ kadaoi tu diona a’ganna?

YEHEZKIEL 36:5

Iamoto, inde sia tu kadanNa Puangta PUANG Nakua: Tonganna mangkaMo’ ma’kada situang api kapangimburuangKu la unnukungi tu bangsa torrona sia mintu’ Edom, tu umpamanassai la unnalai napomana’ tu tondokKu situang kasendean kapuana sia katangpabilangan kapuana, kumua nasarrinni.

MIKHA 4:10

Malimukku-mukkuko sia melallakko, e anak dara Sion, susito manguria’; belanna totemo la tassu’ko lan mai kota, ammu torro dio lu padang sia la rampoko lako Babel. Inde to dio la dinii urrampanangko; inde to dio la Nanii PUANG ullendokangko lan mai limanna ualimmu.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

PA’PUDIAN 143:3

Belanna iatu uali naula’ sumpumo tu deatangku sia nalullu’ tu sumanga’ku rokko padang, sia napanno’ko’na’ lan to’ malillinna butung to masai allomo mate.