MIKHA 7:3 - Sura' Madatu

³ Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

MIKHA 7:3 Referans Kwoze

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

AMOS 5:12

Belanna Kuissan, kumua tumbai budanna tu kapatodo tintingammi sia tumbai makambanna tu kasalammi; mipapussak tu to malambu’, ungkandekomi pappe’ sia mitumpu tu to mase-mase lan lu babangan.

YEREMIA 8:10

Iamoto Kueloranni tu bainena tau iato mai naala to senga’ sia iatu pa’lakna diben to untaloi. Belanna randuk dio mai to bitti’ sae lako to kapua undaka’ bang saro bu’tu kadake, mintu’na to ma’pakena nasang la nabi la to minaa.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

MATIUS 26:15

sia nakua: Apara la mibenna’, ke kupa’peturoanNi tu Yesu lako kalemi? Natimbangammi salaka tallungpulo batunna.

HOSEA 4:18

Iake tae’mo namalango, umpogau’omi gau’ kadake tang untandai siri’. Iatu balulangna tau iato mai ungkamali’ tongan kamatunan.

YEHEZKIEL 22:27

Mintu’ pangulunna tau iato mai susi bang guruk undaka’ bang pialanna, tu umpatibollo rara sia ussanggang tau, kumua anna mesaro kadake.

YEHEZKIEL 22:6

Manassa iatu arungna to Israel pantan umpembelai la umpatibollo rara sabuda-budanna.

YEREMIA 3:5

Ma’dinraka tu kasengkeanNa la tontong sae lakona? Ma’dinraka la Napatontong bang tu kare’dekanNa? Susimo kadammu to, ammu pogau’ siapi tu mintu’ kakadakean, naurungan sakerangngan-rangnganna.

YESAYA 26:21

Belanna la sun tu PUANG lan mai inanNa la umpapakkanni kakadakeanna mintu’ issinna lino lako tau iato mai; la napasombo lino tu rara tibollona tau iato mai sia nokamo ussamboi tu mai batang rabukna tu mai to mate dipongko.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

SARAMBU PEADA’ 17:23

Iatu to tang mekaaluk untarima pamengan lan mai kandu’ la umputa’ lalan katonganan.

YESAYA 3:5

Tau iato mai la sikande bete sipakario-rio, sia pia la ullaoi to matua sia to bongko la unnea to la’bi’.

YESAYA 5:23

Tu to untonganan to kadake belanna diona pappe’ sia umpasisayuran katongananna to malambu’.

YESAYA 32:7

Iatu to pa’pakenan, kadake tu mintu’ tangnga’na: kabulitukan manna natangnga’, ma’kada tang tongan la ussanggangi to bongko, moi anna tuntun salunna tu to bongko.

YEHEZKIEL 9:9

Ma’kadami lako kaleku Nakua: Iatu kakadakeanna to Israel sia to Yehuda tarru’ makambanmo, naurunganni iatu tondok iato naponnoi indan to’doan rara sia iatu kota naponnoi penggauran umbulang leko’ salunna belanna nakua tau iato mai lan penaanna: Natampemo PUANG tu tondok iate sia tae’mo Nasailei PUANG.

YEHEZKIEL 22:12

Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.

HOSEA 7:3

Napasende kakadakeanna tau iato mai tu datu sia mo’rangna tu mai arung.

MIKHA 2:8

Apa masai allomo tu taungKu pabali-bali susi uali lako Kaleku; nalalakki tu bayu lamba’ lan mai bayunna to lendu’ malolo, iamotu to manoka massite’ge’.

MIKHA 3:2

Mikagi’gi tu melona, ammi kabarii tu kadakena, mikalekei tu kuli’na sia issinna dio mai bukunna tau iato mai.

SARAMBU PEADA’ 16:30

Minda-minda umpamamma’ matanna morai ma’tangnga’ kelok, sia minda-minda unnammang arena, umpogau’mo kakadakean.

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

YEHEZKIEL 34:21

Belanna miparussunni sa’demi sia palempengmi tu tang nabelanna sia mipaserokki tandukmi sae lako miula’ lako salian,