MIKHA 7:14 - Sura' Madatu

¹⁴ Kambi’i tekkenMi tu taumMi, iamotu tuntunan domba mana’Mi, tu torro makarorrong lan lu pangala’, lan lu tangnga padang malompo. Popa’elo’nai ungkande riu dio lu Basan sia dio Gilead, susitu attu dolo-dolona.

MIKHA 7:14 Referans Kwoze

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

YESAYA 49:10

Tang la mekatopo ba’tu mekama’rang, tae’ nala ussarussu’i angin padang aak sia tae’ nala ulla’da’i allo, belanna iatu tau iato mai la Nasolan To madulu’na sia la Naanta’ lako to’ mata kalimbuang.

AMOS 9:11

Allo iato la Kupabendan sule tu lantangna Daud, tu robokmo, sia la Kupasule tu rassakna, sia la Kupabendan sule tu ro’pokna; la Kubangun sule susi to dolona,

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YESAYA 37:24

Tete dio pudukna kalena taummu ammu be’sei tu PUANG, mukua: Kabudanna karetaku angku kendekki tu buntu malangka’ sae langngan bottona Libanon sia kulelleng tu mintu’ garonto’ arasi’ kalandona, sia mintu’ sanoba’ mellongna; sia la rampona’ langngan botto malangka’na sia tama pangala’ tamman makampunna.

PA’PUDIAN 100:3

Issanni kumua iatu PUANG, iamo Puang Matua. Iamo ungkombongki’ na kita te kombongNaki’, taunNaki’ sia domba nalaai.

PA’PUDIAN 95:7

Belanna iamo Kapenombanta. Sia kita tu bangsa nakambi’, sia domba Napelisu pala’. Melo kemiperangii tu gamaranNa te allo totemo!

PA’PUDIAN 28:9

Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

YOHANES 17:16

Tae’ ia naalai bilangan lan te lino, susi Aku tae’ naalaNa’ bilangan lan te lino.

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

MALEAKHI 3:4

Attu iato iatu pemala’na Yehuda sia Yerusalem la naala penaanNa PUANG, susitu allo dolo-dolona sia taun lendu’.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

BATING 5:21

O PUANG, solammokan sule lako Kalemi, manassa la sulekan mati’. Ba’rui tu alloki susi tonna dolona!

YESAYA 65:10

Iatu Saron la panglambaran domba sia iatu lombok Akhor la pa’palengaran sapi, la napomana’ mintu’ taungKu, tu undaka’Na’.

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

PA’PUDIAN 143:5

Tilanta’mi lan ara’ku to allo mangka diboko’, angku timbang-timbangi tu mintu’ panggaragamMi, sia untangnga’-tangnga’ mintu’ lalan limamMi.

PA’TOLE 33:28

Iamoto natorro marampa’ Israel, sia mata uainna Yakub tang dipatumba lan tondok, tu nanii gandung sia uai anggoro’ ba’ru; ondongpi iatu langi’na umpato’doanni ambun.

KADIBILANGAN 23:9

Belanna dao mai potok buntu batu kunii untiroi, sia dao mai tanete kunii umpenunui. Kutiro misa’ bangsa, tu torro misa sia tae’ nasangai sangbilangan dio lu bangsa senga’.

KATASSURAN 33:16

Belanna umba la dikua unnissanni, kumua Mikaturu-turuina’, la aku la taumMi? Tang bannang iaraka te ke Misolangkanni? Susimo kadipamarimbangangki to, la aku la taumMi dio mai mintu’ bangsa dao kuli’na padang.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

SURA’ KATOMINAAN 27:32

Mintu’ sangtaan sangpulona sapi ba’tu domba sia bembe’, tu lendu’ diongna lu tekken, iatu sangtaan sangpulona, iamoto tu maindan lako PUANG.

PA’TENDENG BALLO 4:1

Tonganna, lendu’ ia maelomu, e rindungku, manassa, lendu’ ia maballomu; iatu matammu susi dangan-dangan, tu payan ullendu’i bobongmu, beluakmu susito sangbaanan bembe’, songlo’ tikalulun-lulun dao mai buntu Gilead.

YEREMIA 49:31

Ke’de’komi ammi male ullaoi misa’ bangsa manaman, tu torro mana’pa, kadanNa PUANG, tu tae’ ba’bana ba’tu salli’ tendana, tu torro misa.

YEHEZKIEL 36:11

La kupamakamban tu tau sola patuoan untongkonnikomi, anna memba’ka’ sia membati’, la Kupakaissikomi susito allo mangka diboko’ sia la Kukamaseikomi tu mipomelona losong na iatonna dolona, ammi tandai kumua Akumo tu PUANG.

KADIBILANGAN 32:1

Iatu to Ruben buda tu patuoanna na iatu to Gad mandu pole’ buda, sia natiro tu padang nalili’ Yaezer sia dio Gilead, iamo padang melo nanii patuoan.

KADIBILANGAN 32:4

iamotu padang Natalo PUANG dio tingayona kasirampunan to Israel, padang iato melo nanii patuoan, sia iate taummi buda tu patuoanna.

YESAYA 27:13

Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.

OBAJA 1:19

Iatu tau lo’ padang rampe Lo’na lu la unnala buntunna Esau napobuntu, sia iatu tau dio padang Merrantena la unnala tondok to Filistin napotondok; iatu tau iato mai la umpopadang padang Efraim sia padang Samaria, sia Benyamin la umpopadang Gilead.

ZAKHARIA 10:10

Ondongpi la Kusolan sule tu tau iato mai lan mai tondok Mesir sia la Kurampun dio mai Asyur, angKu solanni lako padang Gilead sia lako Libanon; apa tang la ganna’mo lako tau iato mai.

ZAKHARIA 11:7

Iamoto kukambi’i tu mintu’ domba la ditunu – iamo napobannang to namakario-rio dio lu mintu’ domba angku alai tu tekken da’dua, misa’ kusangai Pa’kaboro’na iatu misa’ Pa’pori, susimoto kunii ungkambi’i tu tuntunan iato.