MIKHA 7:11 - Sura' Madatu

¹¹ Allo iato, ke nabangunni tau sule tu rinding tembo’mu, allo ia dukato mintu’ tu lili’mu la tarru’ dipekalua’i.

MIKHA 7:11 Referans Kwoze

NEHEMIA 2:8

sia misa’ sura’ lako Asaf, petoro’ pangala’na datu, anna benna’ kayu la kupotangdan rattiang dio babanganna benteng tu sikande Banua Kabusungan sia dio rinding tembo’ kota sia dio banua la kunii torro. Nabenmo’ datu tu sura’ iato mai, belanna narondongna’ pa’kaborro’Na KapenombangKu.

YESAYA 54:11

E iko, to mandasa sia to narua angin bara’ sia to tang dipakatana, tiroi, la Kuato’ tu batummu Kupi’da’ batu tambaga sia la Kuparandanganniko parimata lasuri’.

NEHEMIA 4:6

Apa kibangun sule tu rinding tembo’ iato, anna sundunmo tu mintu’ rinding tembo’ sae lako sesena, belanna napa’inaai tu to buda mengkarang.

NEHEMIA 4:3

Iatu Tobia, to Amon, bendan dio sa’dena, anna ma’kada nakua: Moi nabangunmi tau iato mai, apa iake denni misa’ sindallung ungkondongi tu batu rinding tembo’na, manassa la natuan. –

NEHEMIA 2:17

Attu iato ma’kadamo’ lako tau iato mai kukua: Mitiromo tu kadipandasanta, kumua iatu Yerusalem sanggangmo na iatu mai babanganna puramo diballa api. Maikomi tabangunni sule tu rinding tembo’ Yerusalem, anna damo tapomatunai.

DANIEL 9:25

Issanni sia tandai, kumua randuk dio mai attu tassu’na tu kada la umpemeloi sia umbangunni sule tu Yerusalem sae lako kaparentanna misa’ to ditokko, iamotu misa’ arung, den pitung minggu, sia annan pulona ndua minggu la dinii umpemeloi sia umbangunni, anna torro susito, sola tana lapangna sia kalo’na, apa siappa’ attu kadipakario-rioan.

YESAYA 54:2

Pekalua’i tu inan tendamu sia pamaluanganni muballa’ tu kulambu inan munii torro, da mudampai, pamalambe’i tu mintu’ pantokmu.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

YESAYA 61:4

Attu iato la napemeloi sule tu kota masaimo daun lauan sia la nabangun pole tu inan disanggang pirambongi’ sia la umba’rui tu mintu’ kota ro’pok tu mangsanmo disituran-turananni.