MIKHA 6:6 - Sura' Madatu

⁶ Apara la kubaa la mennolo lako Puang sia la kubaa tukku menomba lako Puang Matua dao inan madaona? Ma’dinraka kupennoloan tu pemala’ ditunu pu’pu’, iamotu anak domba sangtaun dadinna?

MIKHA 6:6 Referans Kwoze

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

MARKUS 5:7

sia mukkun melalla-lalla umpemandui gamaranna nakua: La siapariki’, e Yesu, Anakna Puang Patodoranna! Massumpana’ ussa’bu’ sanganNa Puang Matua umpalakui lako Kalemi da’ amMi pakario-riona’.

MATIUS 19:16

Pakalan saemi tu tau misa’ lako Kalena nakua: O Guru, kameloan apara tu sipatu la kupogau’, angku kabu’tui katuoan sae lakona?

DANIEL 3:26

Malemi tu Nebukadnezar lako to’ ba’ba dapo’, nanii api ma’lana-lana: nama’kada nakua: E Sadrakh, Mesakh na Abednego, kamumo tu taunNa Puang Matua patodoranna, tassu’mokomi mai. Tassu’mi tu Sadrakh, Mesakh na Abednego lan mai to’ api.

PENGGAURANNA RASULU’ 16:30

Nasolammi lako salian tinde tau, nama’kada nakua: E tuang, apara tu sipatu la kupogau’ angku kabu’tui kamakarimmannan?

PENGGAURANNA RASULU’ 16:17

Undimi urrundu’ Paulus sia kami, nametamba-tamba nakua: Tau iamote mai tu taunNa Puang Matua patodoranna, tu umpokadangkomi lalan kamakarimmanan.

YOHANES 6:26

Nakuami Yesu mebali lako tinde tau: Tonganna tongan Kukua mati’, iari midaka’Na’ tae’ kumua belanna mitiromo tu tanda kalle-kallean, sangadinna belanna ungkandekomi roti sadia’mi.

LUKAS 10:25

Ke’de’mi misa’ pandita Sukaran aluk la untoba Yesu, nakua: O Guru! apara sipatu la kupogau’, angku pomana’i tu katuoan sae lakona?

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 4:9

E Beltsazar, pangulunna mintu’ to paissan-issan, tu kuissan, kumua natorroiko penaa deata masero, na moi misa’ rasia mukaringanan nasang, iamoto pokadammo’ tu patiro mendeata lan tindoku, tu kutiro, iamotu sembangna.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

PA’PUDIAN 22:29

Belanna iatu kadatuan PUANG tu ampunna; Iamo pekapuanganna mintu’ bangsa.

2 SAMUEL 21:3

Nakuami Daud lako to Gibeon: Apara la ma’din kupogaurangkomi sia apara la kunii umpaden pengkalossoran, ammi passakkei tu mana’na PUANG?

KATASSURAN 12:5

La muala tu misa’ anak domba laki tang tattan, tu sangtaunnamo; iamotu dio lu mintu’ domba ba’tu bembe’ la minii unnalai.

EFESUS 3:14

Iamo bannangnato, angku malinguntu’ malaku langngan Ambe’,

MARKUS 12:33

sia iatu ponno penaa sia mintu’ tangnga’ sia padami kamatotoran sae lako deata la ungkamali’ Puang Matua, sia ungkamasei padanta tolino, ondong ia to na iatu mintu’ pemala’ ditunu pu’pu’ sia pemala’ pangrere’.

IBRANI 10:11

Mintu’ tominaa bendan kiallo-kiallo umpogau’ kamenomban, sia madada’ umpennoloan pesuru’ susi duka bangsiato, tu inang tang nakulle umpa’dei kasalan.

KADIBILANGAN 7:51

sia misa’ anak sapi laki, misa’ domba laki sia misa’ domba sangtaunmo dipopemala’ ditunu pu’pu’;

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

PA’PUDIAN 95:2

Maikomi anta ma’kurre sumanga’ umpennoloi oloNa, sia mela’tek umpakendekanni pa’pudian.

YESAYA 40:16

Tae’ anna ganna’ tu kayunna Libanon la dipantunui sia iatu olo’-olo’na tae’ naganna’ dipemalaran ditunu pu’pu’.

YEREMIA 6:20

Iamoto apara gai’na mibanNa’ tu dupa dio mai Syeba sia bangle mellong dio mai tondok mambela? Iatu pemala’ pantunu pu’pu’mi tang nakalo’ penaangKu sia iatu pemala’ pangrere’mi tang Kupopaiman.

YEHEZKIEL 46:9

Apa ianna lao mennolo lako oloNa PUANG tu tau lan tondok, ke attu pa’gauran na minda-minda tu tama babangan rampe daanna lu la tukku menomba, la tassu’ lako salian unnola babangan rampe lo’na lu, sia minda-minda tu tama babangan rampe lo’na lu, la tassu’ lako salian unnola babangan rampe daanna lu. Tae’ nama’din la sule unnola babangan iato tu naola tama, sangadinna tassu’ unnolai tu babangan nasitingoanna.

HOSEA 5:6

Tau iato mai male undaka’ PUANG umbaa domba sola bembe’na sia sapinna, apa tae’ nala ungkabu’tui. Napatoyangmo Puang tu Kalena dio mai tau iato mai.

AMOS 5:22

Ondongpi, moi ammi pennoloan pemala’ ditunu pu’pu’ lako Kaleku, sia kande dipemalarammi, tae’ kuporai sia iatu pemala’ kasalamarammi, iamotu sapi malompo inang tae’ duka Kula untiroi.

KATASSURAN 23:15

La mukaritutui tu allo kapua roti tang diragii; pitung allo la munii ungkandei tu roti tang diragii, susitu Kupa’pepasanan lako kalemu, lan tu attu dipamanassa, bulan Abib, belanna lan bulan iato munii tassu’ lan mai tondok Mesir; da naden tau mennolo lako Kaleku ma’pala’ lo’bang.

PA’PUDIAN 116:12

Apamo la kupenomban lako PUANG, la sipakkanna mintu’ kameloanNa lako kaleku?

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.