MIKHA 6:5 - Sura' Madatu

⁵ E taungKu, kilalai tu apa natangnga’-tangnga’ Balak, datu Moab, sia iatu apa napebalian Bileam, anakna Beor, lako, sia apa dadi randuk dio mai Sitim sae lako Gilgal, kumua mukanassai tu katongananNa PUANG.

MIKHA 6:5 Referans Kwoze

KADIBILANGAN 25:1

Iatonna torromo tu to Israel dio Sitim, naparandukmi ma’gau’ sala sola baine to Moab.

TO PARENGNGE’ 5:11

Umpeolai gamara pangala nanian dio to’ mata uai, melo ke iatu to buda umpenanian penggauran malambu’Na PUANG, penggauran lambu’na pangulunna dio lu to Israel. Attu iato solo’mi tu mintu’ taunNa PUANG lako to’ babangan.

YOSUA 4:19

Iatu bangsa iato kendek diong mai Yordan tonna allo ma’pessangpulo bulan bunga’na, anna ma’tenda dio Gilgal rampe matallo lili’na Yerikho.

KADA OMBO’ LAKO RASULU’ YOHANES 2:14

Apa den sidi’ Kusayuangko, belanna denkomi tu mentoe lako pangadaranna Bileam, tu mangka unnada’i Balak umpaden katitodoan lako to Israel, naurunganni tau iato mai ungkandei tu apa dipemalaran lako deata, sia ma’gau’ sala.

YUDAS 1:11

Upu’ allona tau iato mai, belanna unturu’mo lalanna Kain, sia mentu’mu’mo tama peroso sarona Bileam, anna sanggang diona pabali-balinna susi Korah.

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.

2 PETRUS 2:15

iatu tau iato mai untampe lalan malolo anna pusa narundu’i tu lalanna anakna Beor, iamotu Bileam, tu umporai saro bu’tu dio mai kakelokan,

PA’PUDIAN 143:11

O PUANG, rinding pala’na’ tete dio sangamMi, sia rampananna’ dio mai kamaparrisan tete dio kamaloloamMi.

PA’TOLE 16:3

Attu iato da mukandei tu apa diragii sola tu apa iato; lan pitung allo la munii ungkande roti tang diragii sola tu apa iato, iamotu roti kadipakario-rioan, belanna sasako tassu’ lan mai tondok Mesir kumua lan mintu’ allo katuoammu la mukilalai tu allo katassurammu lan mai tondok Mesir.

PA’TOLE 9:7

Pengkilalai, da mukalupai, umba mukua umpare’dek ara’Na PUANG, Kapenombammu, lan padang pangallaran, randuk dio mai allo, tu minii tassu’ lan mai tondok Mesir, sae lako kasaeammi inde te inan iate, tontong bangkomi umbali-bali PUANG.

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

EFESUS 2:11

Iamoto pengkilalai, kumua dolona to kapere’komi diona batang kale sia nasangakomi to disanga umpogau’ sunna’, kumua to tang umpogau’komi sunna’, iamotu naolanna lima dio batang kale.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

KADIBILANGAN 31:16

Manassa iamote tu napobannang to Israel unturu’ pa’patudunna Bileam, anna tang maruru’ lako PUANG tu diona umpenombai Peor, naurungan rampo tu kamandasan dio lu kasirampunanNa PUANG.

KADIBILANGAN 31:8

Senga’ iatu to napatei, sia ia duka tu datunna Midian napatei; iamotu Ewi, Rekem, Zur, Hur na Reba, limai tu datu Midian; sia napatei duka pa’dang tu Bileam, anakna Beor.

KADIBILANGAN 23:27

Ma’kadami tu Balak lako Bileam: Malekomi mai, angku solangkomi lako inan senga’; umbai nasipatu sia dio pentiroNa Puang Matua, na inde to dio mai minii untampakanna’ ropu tu tau iato.

KADIBILANGAN 22:41

Masiang pole’ to nasolammi Balak tu Bileam, nasuai kendek langngan inan madoanna Baal. Na inde to nanii untiro nasangi sae lako tampakna tu bangsa iato.

PA’PUDIAN 111:4

Mangkamo unggaraga tanda dianna batu silambi’ diona mintu’ pengauran kalle-kalleanNa; Iatu PUANG maturu-turu sia mamase.

PA’PUDIAN 71:19

Iatu kamaloloamMi sumpu langngan langi’, o Puang Matua, tu mangkamo umpogau’ ba’tu pira-pira penggauran kapua; o Puang Matua, mindaora ussitintibatuangKomi?

PA’PUDIAN 36:10

Belanna dio Kalemi den tu kalimbuang katuoan, sia lan arrangMi kinii untiro kamasiangan.

1 SAMUEL 12:7

Totemo maimokomi ammi bendan melo, angku mangra’ta’ umpaissannikomi dio oloNa PUANG mintu’ penggauran malambu’, tu Napogau’ PUANG lako kalemi sia lako nene’ to dolomi.

KADIBILANGAN 33:49

Ma’tendami sipeupu’ biring Yordan randuk dio mai Bet-Yesimot sae lako Abel-Sitim dio pa’padanganna Moab.

YOSUA 2:1

Nasua bunimi Yosua, anakna Nun, dio mai Sitim tu da’dua to ma’serre’i, nakua: Malekomi untiroi tu padang iato sia iatu Yerikho. Malemi tu tau iato, anna tama banuanna misa’ baine kadake gau’, disanga Rahab, nama’bongi dio.

YOSUA 3:1

Melambi’mi millik tu Yosua, anna ke’de’ sola mintu’ to Israel dio mai Sitim, narampo lako Yordan, anna ma’bongi dio tu tau iato mai, namane lamban.

TO PARENGNGE’ 11:25

Mandu melorokomika anna iatu Balak, anakna Zipor, datu Moab? Denmoraka nasigaga tu to Israel ba’tu sirari?

YESAYA 1:27

Iatu Sion la dirampanan umpotete kamalamburan sia iatu mintu’ to mengkatoba’na tete dio kamaloloan.

KADIBILANGAN 25:2

Belanna natambai tu bangsa iato lako to’ pemala’ pangrere’ dipemalaran deatanna, anna kumande dio tu bangsa iato, anna menomba lako deatanna baine iato.

PA’TOLE 23:6

Tempon tuomu da mudakaran lenni kamarampasan sia kameloan tu tau iato mai.