MIKHA 6:4 - Sura' Madatu

⁴ Tae’raka Kumangka ussolangko tassu’ lan mai tondok Mesir sia Kula’bakko lan mai inan munii dipokaunan, sia Kusua tu Musa, Harun sia Miryam undoloangko?

MIKHA 6:4 Referans Kwoze

PA’TOLE 7:8

Apa belanna nakamaseikomi PUANG sia Napalanda’ tu pangallu’Na Napalaoi sumpa lako nene’ to dolomi, iamoto Nasolangkomi tassu’ tete dio lima mawatang sia Nalendokangkomi dio mai inan minii dipokaunan dio mai kuasanna Firaun datu to Mesir,

KATASSURAN 12:51

Iatonna allo ia bangsiamoto Nasolanni PUANG tu mintu’ to Israel lan mai tondok Mesir unturu’ mintu’ kaponanna.

AMOS 2:10

Sia mangkamokomi Kusolan lan mai tondok Mesir sia Kuanta’komi lan padang pangallaran patangpulo taunna, kumua ammi pomana’i tu tondok to Amori.

YEREMIA 32:21

Sia Kamumo tu ussolan taumMi, to Israel, tassu’ lan mai tondok Mesir tete dio ba’tu pira-pira tanda kalle-kallean sia tanda mangnga sia tete dio lima matoto’ sia takia’ tie’te’ sia tete dio apa mandu metakuran.

2 SAMUEL 7:23

Bangsa umbara tu ma’din dipasangtinti taumMi, iamotu to Israel, tu bangsa sangbua bannang dao te kuli’na padang, tu male Nala’bak Puang Matua nadadi misa’ bangsa lako Kalena, anNa padenani misa’ sanga, anNa pogauranni Puang penggauran kapua sia metakuran, la napomelo tondokMi, dio tingayona mintu’ taumMi, tu Mirampanan dio mai to Mesir sia dio mai mintu’ bangsa sia dio mai mintu’ deatanna.

KADIBILANGAN 12:1

Iatu Miryam sola Harun unta’tan Musa diona baine to Kush tu napobaine, belanna napobainemo tu misa’ baine to Kush.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

PA’PUDIAN 77:20

Iatu lalanMi lan tasik, sia lan to’ uai buda, sia iatu lalan lentekMi tae’ napayanan.

PA’TOLE 24:18

Sangadinna la mukilalai kumua mangkamoko kaunan lan Mesir, sia Narampanammoko PUANG, Kapenombammu, lan mai; iamoto kupasanko umpogau’i tu ianna te.

PA’TOLE 15:15

La mupengkilalai, kumua mangkamoko kaunan lan tondok Mesir sia Nalendokammoko PUANG, Kapenombammu; iamoto kubenko totemo te pepasan.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.

PA’TOLE 5:6

Akumo PUANG, Kapenombammu, tu ussolangko sun lan mai tondok Mesir, dio mai inan minii dipokaunan.

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

KATASSURAN 4:16

Iamo la ussondako ma’kada-kada lako tu tau buda sia iamo dadi sumbung pudukmu sia ikomo la butung Puang Matua lako kalena.

PA’TOLE 4:20

apa iatu kamu Naalamokomi PUANG sia Nasolangkomi tassu’ lan mai dapo’ bassi, iamotu Mesir, ammi dadi taunNa, susitu a’gammi te allo iate.

KATASSURAN 3:10

Iamoto maimoko angku suako male mennolo lako Firaun, ammu solanni sun lan mai tondok Mesir tu taungKu, iamotu to Israel.

KATASSURAN 4:10

Ma’kadami tu Musa lako PUANG, nakua: Messimanna’ Puang, iate aku te tangiana’ to rangga lila, la tonnanu’ la totemo, moi ia duka tomMi randuk ma’kada lako taumMi, sangadinna iate aku te to magasa pudukna’ sia tang malute ma’kada.

KADIBILANGAN 33:1

Inde sia tu inan kapelayoanna to Israel, tonna ke’de’mo lan mai tondok Mesir situru’ tuntunan surodadunna, panglalananna Musa sola Harun.

1 SAMUEL 12:6

Ma’kada dukapa tu Samuel lako to buda, nakua: PUANGmo tu unnangka’ Musa sola Harun sia tu mangka ussolan nene’ to dolomi lan mai tondok Mesir.

KATASSURAN 6:27

Iatonna ma’kada tu PUANG lako Musa dio tondok Mesir,