MIKHA 5:5 - Sura' Madatu

⁵ tu la umpakandei domba tu tondok Asyur sia tondokna Nimrod lan lu babanganna, anna purai pa’dang. Sia la mangrampanan dio mai Asyur, ke saei tu tau iato mai tama tondokta sia iake ullesei lili’ta.

MIKHA 5:5 Referans Kwoze

LUKAS 2:14

Mintu’na kadipangkeran lu langngan nasang Puang Matua dao madona, sia kamarampasan lan lino lako to Nakaelo.

ZAKHARIA 10:3

Dukkumi tu kasengkeangKu lako mintu’ to mangkambi’, sia la Kuukung tu mintu’ domba laki, apa PUANGna mintu’ ma’dandan maritik ungkaritutui tu domba ma’baananNa, iamotu to Yehuda, sia umpadadii susi darang malinta’ lan kasirarian.

YOHANES 14:27

Kamarampasan Kutampeangkomi, ontongpi kamarampasangKu kalena Kusorong lako kalemi, tangia susinna tu nasorong te lino, tu Kusorong lako kalemi. Da narosso penaammi sia da miselang.

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

AYUB 5:19

Pennannanko lan kapussakan, anna Ia urrampananko, sia pempitu tae’ nanii urruako kakadakean.

KADA OMBO’ LAKO RASULU’ YOHANES 19:14

Mintu’ ma’dandan maritik dao suruga umbaananni Puang ussakei darang busa’, ma’tamangkale kasa bussang sia mase’rok.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

ZAKHARIA 12:6

Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

ZAKHARIA 9:13

Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

AMOS 1:6

Inde sia tu kadanNa PUANG Nakua: Belanna tallu tu kapatodo-tintinganna Gaza, ondongpi belanna a’pa’, iamoto natae’ Kula undampai to. Belanna mangkamo narampa tu mintu’ pa’tondokan anna sorongi lako Edom,

AMOS 1:3

Inde sia tu kadanNa PUANG Nakua: Belanna tallu tu kapatodo-tintinganna Damsyik, ondongpi belanna a’pa’, iamoto natae’ Kula undampai to. Belanna mangka napalullu’i panglulluran bassi tu Gilead,

YEREMIA 33:15

Allo iato sia attu iato la Kupatuoan Daud tu misa’ Taruk malambu’, tu la umpalalo salunna sia kamaloloan lan lu tondok.

YESAYA 65:8

Nakua kadanNa PUANG: Susi ke den siapi uai anggoro’ lan tu eteng bua anggoro’, nakua tau: da mibala’ bala’i, belanna den siapa rongko’ lan susi dukamoto tu penggaurangKu belanna mintu’ taungKu tae’ angKu la ussanggang nasangi.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

YESAYA 44:28

Kukua lako Koresh: Kupotomanglaako, la naturu’ duka tu mintu’ pa’poraiangKu, belanna nakua lako Yerusalem: La dibangunko sule sia la diparandanganni tu Banua Kabusungan.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

SARAMBU PEADA’ 30:29

Inde sia tu tallu melo nasang tengkana, ondongpi iatu a’pa’ melo lingkana:

SARAMBU PEADA’ 30:18

Inde sia tu tallung uluan kukamangngai, ondongpi patang uluan tu tang kupebuyu’;

PA’PUDIAN 72:7

Sangapaoi, ke attunnami dako’, la maupa’ tu to malambu’, sia sebo tu kamarampasan sae lako pa’dena tu bulan.

SARAMBU PEADA’ 6:16

Inde sia tu annan pasirua tu Nakabiri’ PUANG, ondongpi pitu tu Nakagalli tongan:

YESAYA 14:25

Akumo tu ussanggang Asyur lan padangKu sia Kulullu’ dao buntungKu, naurunganni tilendok tu ayokana dio mai tau iato sia tilendok tu pamaanna dao mai palempengna.

ZAKHARIA 10:11

Attu iato iatu tau iato mai la ullamban tasik lan kapussakan sia la ussambakki bombang tu tau iato mai lan lu tasik; sia mintu’ malikunna Nil la marangke. La susimoto tu mintu’ apa napomatampo Asyur la songka, sia iatu tekken kapayunganna Mesir la pa’de.