MIKHA 4:9 - Sura' Madatu

⁹ Ma’apai ammu melallak-lallak susito? Tae’raka datummu? Ba’tu sabu’raka tu pa’bisarammu, muurunganni mapa’di’ susito mangurria’?

MIKHA 4:9 Referans Kwoze

YEREMIA 8:19

Perangiimi tu sarrona anakna baine taungku dio mai mintu’ tondok, kumua: Umbai tae’ PUANG dio Sion, umbai tae’ tu Datunna dio? – Ma’apari tu mai rapang-rapang dipodeatanna tau iato napa’dikki tu penaangKu, sia apa tang kebattuan dio mai padang tau.

HOSEA 10:3

Inang ma’kada tu tau iato mai totemo, nakua: Tae’ datunta – apa iake tae’i takataku’ PUANG, apara ma’din napogaurangki’ tu datu.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YEREMIA 50:43

Iatonna rangimi datu Babel tu karebanna, loemi tu limanna; narampoi kapussakan sia kamapa’diran susito misa’ baine manguria’.

YEREMIA 22:23

E iko to unno’ko’ dao Libanon sia messerang lan lu kayu arasi’, lendu’ ia sarromu, ke narampoiko tu mintu’ pa’di’, susito baine mangurria’.

YEREMIA 4:21

Sangapapara’ la untiroi tu tanda iato sia urrangi oni napiri tanduk?

YESAYA 26:17

Ten to baine ma’tambuk, iake nalambi’mi attunna, mangumbero sia sumarro mangurria’, ten dukamokan to, o PUANG, dio oloMi.

YESAYA 21:3

Iamoto anna ma’parondo nasang tu aakku, naruana’ pa’di’ maparri’, susi pa’di’na baine mangurria’; ma’pakukku’na’, belanna urrangii, sia tiramban tonganna’, belanna untiroi tu iannato.

YESAYA 13:8

Sia tiramban tu tau iato mai, ma’paganggang sia narampoi kamaparrisan, mangumbero susito baine manguria’; buyu’ sitiro len tu tau iato mai sia iatu lindona borrong susito api.

YOHANES 16:21

Iato ke mangurea’i tu baine, masussa nasa’ding, belanna nalambi’mo attunna; apa ianna dadiammi tu pia, tae’mo nakilalai tu kamaparissan iato, belanna kaparannuanna, apa denmo tau misa’ dadi tama lino.

KADA OMBO’ LAKO RASULU’ YOHANES 12:2

Iatu baine iato ma’tambuk anna sumarro, belanna mapa’di’ sia mangurria’ la kianak.

YEREMIA 48:41

Mintu’ kota ditalo sia mintu’ tambakuku diala; allo iato iatu penaanna mintu’ to lalong lan Moab susi penaanna misa’ baine mangurria’.

HOSEA 13:13

Narampoi saki susi baine mangurria’, apa iatu Israel susi misa’ pia tang paissan; ianna attunnamo la dadi, tae’ naditibussanan.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

YEREMIA 4:31

Belanna kurangi tu misa’ sarro, susi sarrona baine mangurria’ sia sarro sume’den-me’den susi sarrona baine kianak pa’bunga’, iamotu sarrona anak dara Sion; seka-seka tongan sia umpopempala’ limanna, nakua: Upu’alloku, belanna la ka’tumo tu sunga’ku napobua’ to papatean.

YEREMIA 30:10

Iamoto da mumataku’, e Yakub taungKu, kadanNa PUANG, da mutiramban, e Israel, belanna tonganna la Kurampanangko lan mai tondok mambela sia mintu’ bati’mu lan mai tondok dinii male umpali’ko; la sulemo tu Yakub anna rapa’ sia torro marampa’, na moi misa’ tau tae’ umpatirambanni.