MIKHA 3:9 - Sura' Madatu

⁹ Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

MIKHA 3:9 Referans Kwoze

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

SARAMBU PEADA’ 17:15

Minda-minda ussanda tonganni to tang mekaaluk sia minda-minda umpasala sia unnukung to malambu’, tau iate sola dua Nakagalli PUANG.

PA’TOLE 27:19

Tampak ropu lako to umpasepang patu borongna to sae, pia biung sia baine balu. Anna mintu’ bangsa mebali nakua: Amin.

MIKHA 3:1

Ma’kadana’ kukua: Perangiimi, e kamu pangulunna Yakub sia to ullopian to Israel, tang sipaturokomika untandai tu salunna?

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YEREMIA 5:28

malompo tu tau iato mai sia malannu’; tarru’ maparrang tu kakadakeanna. Tae’ namalambu’ ma’paolai salu la urra’ta’ kara-karana pia biung, apa moi susito maupa’ duka; sia tang untonganan kara-karana to bongko.

SURA’ KATOMINAAN 26:15

Iake mipamatunai tu aluk Kupondok sia mikalilui tu atorangKu, ammi tang unturu’i tu pepasangKu, moi misa’ duka sia mipokamo tu basseKu,

KATASSURAN 3:16

Malemoko ammu rampunni tu mintu’ to matua-tuanna Israel, sia ma’kada lako tau iato mai, kumua: Iatu PUANG, Kapenombanna nene’ to dolomi iamotu Kapenombanna Abraham, Ishak na Yakub paan lako kaleku sia Nakua: Kutiro tonganmokomi sia iatu mintu’ apa digaurangkomi dio tondok Mesir.

SARAMBU PEADA’ 18:5

Iake umpalosongangki’ to tang mekaaluk sia ussualeki’ to malambu’, ke ma’paolai saluki’ manassa salaki’.

SARAMBU PEADA’ 21:7

Iatu penggauran masa’ga’na to tang mekaaluk urriu’ bangi male, belanna manokamo tu tau iato umpogau’ tonganna.

YEHEZKIEL 44:23

Anna pamanassanni taungKu umpasisengaranni tu maindanna anna tang maindanna, sia tang maruttakna anna maruttakna.

MIKHA 1:1

Inde sia tu kadanNa PUANG rampo lako Mikha, to Moresyet, tu natiro diona a’ganna Samaria sia Yerusalem, tonna linona Yotam, Ahas sia Hizkia, datunna Yehuda.

NEHEMIA 13:17

Attu iato kusengkeimi tu to mala’bi’na to Yehuda tu diona apa iato sia ma’kadana’ kukua: Umbara susitu penggauran kadakemi te mipogau’, belanna tang mipamadatu tu allo katorroan?

SARAMBU PEADA’ 17:23

Iatu to tang mekaaluk untarima pamengan lan mai kandu’ la umputa’ lalan katonganan.

AMOS 5:7

O! tu to umpopembali apsantin tu kamalamburan sia umpentibean kamaloloan rokko padang.