MIKHA 3:7 - Sura' Madatu

⁷ Mintu’ to patanda-tandan la kasirisan sia mintu’ to pakita-kita la bangngo ara’, anna samboi tu puduk daoanna, belanna tae’ Napebalii Puang Matua.

MIKHA 3:7 Referans Kwoze

ZAKHARIA 13:4

Allo iato iatu mintu’ nabi pantan la masiri’, diona mintu’ patiro mendeatanna, ke ma’nubua’i, sia tae’mo nala ma’bayu lamba’ kebulu la ma’kada tang tongan.

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

AMOS 8:11

La rampo tu allo, kadanNa Puangta PUANG, ke la umpasaeNa’ karorean lan tondok – tangia karorean roti sia tangia kama’rangan la unniru’ uai, sangadinna kalaurrangiannari mintu’ kadanNa PUANG.

YEHEZKIEL 24:17

Pela’-pela’ko sumarro; da muma’pote dibolong; pamanda’ bangi tu passapummu, sia ma’sepatuko, da mutampun puduk daoanmu sia da mukandei tu roti nabangko tau.

1 SAMUEL 28:6

Mekutanami tu Saul lako PUANG, apa tang Napebalii PUANG, la tete dio pangimpi, ba’tu Urim, ba’tu nabi.

SURA’ KATOMINAAN 13:45

Iatu tamangkalena to golenan, tu narua saki iato, inang la serek-serek sia ma’rundun, sia ditampun tu puduk daoanna, anna metamba nakua: Maruttak, maruttak!

MIKHA 7:16

La masiri’ tu mintu’ bangsa untiroi, anna pa’de tu mintu’ kamatotoranna; la natampun limanna tu pudukna, sia la taru tu talinganna.

YEHEZKIEL 24:22

Sia la mipogau’ susitu mangkanna kupogau’; tae’ ammi la untampunni tu puduk daoammi, sia iatu roti nabangkomi tau, tae’ mila ungkandei,

PA’PUDIAN 74:9

Tae’mo tandaki kitiro, tae’ bangmo misa’ nabi, sia tae’ bangkan misa’ unnissanni, kumua ba’tu la sangapapa te iannate.

1 SAMUEL 28:15

Nakuami Samuel lako Saul: Ma’apai mirosona’ sia mipamalimbangunna’? Nakuami Saul: Pussak maro’mo’, belanna sirarimo’ to Filistin na iatu Puang Matua toyangmo dio mai kaleku, tae’mo Napebaliina’, la tete dio pudukna nabi ba’tu tindo; iamoto angku tambaikomi, ammi pokadanna’ apa tu sipatu la kupogau’.

1 SAMUEL 14:37

Mekutanami tu Saul lako Puang Matua, nakua: Ma’dinra’ka mengkalao unnula’i tu to Filistin? La Misorong siaraka tama limanna to Israel? Apa iatonna allo iato tae’ Napebalii.

1 SAMUEL 9:9

Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.

KATASSURAN 9:11

Naurunganni iatu mintu’ to unnampui issan-issan tang naatta bendan dio olona Musa, napobua’ puru iato; belanna pada puruammo tu mintu’ to unnampui issan-issan sia mintu’ to Mesir.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.