MIKHA 2:10 - Sura' Madatu

¹⁰ Ke’de’komi mimale, belanna iate inan iate tangia inan kapelayoan; belanna maruttak te tondok iate, iamoto naumpaden katune, ondongpi misa’ katune ma’kasanggang tarru’.

MIKHA 2:10 Referans Kwoze

PA’TOLE 12:9

Belanna tae’pa mirampo lako inan katorroan sia lako taa mana’, tu la Nabenko PUANG, Kapenombammu.

PA’PUDIAN 106:38

Sia umpatibollo rarana to tang sala, iamotu rarana anakna muane sia anakna baine, tu napemalaran lako mintu’ rapang-rapang dipodeata dio lu tana Kanaan, naurunganni narutai rarana tu tana iato.

YEREMIA 10:18

Belanna inde sia tu kadanNa PUANG Nakua: Tonganna, iate attu iate la Kutua’ tu pa’tondokan iato sia la Kupakapussakan tu tau iato mai, anna kabu’tui.

YEREMIA 9:19

Belanna dirangi lan mai Sion tu bating iate nakua: A’a, sanggangmokanni! Natoding tonganmokan siri’, belanna diparukumokan untampe tondokki sia dipongkamo tu mintu’ banuangki.

PA’PUDIAN 95:11

Iamoto angKu palenduranni kada kumua: Inang tae’ nala tama kapelayoangKu tu tau iato.

2 OSSORANNA DATU 7:20

manassa la Kulampi’i tu tau iato mai lan mai padangKu tu Kukamaseanni; na iate banua Kupamarimbangan sangangKu la Kutibe dio mai oloKu, angKu padadii misa’ parumbasan sia kaditellean dio lu mintu’ bangsa.

2 DATU 17:6

Iatonna taun ma’pengkaseramo kadatuanna Hosea natalomi datu Asyur tu Samaria, anna pali’i tu to Israel lako Asyur, sia napopa’tondok dio Halah, dio biring salu Habor, iamo salu dio Gozan, sia dio lu mintu’ kota to Madai.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

PA’TOLE 30:18

tonganna kupokadangkomi totemo, kumua manassa la sanggangkomi; tae’ mila malambe’ sunga’ lan tondok, tu la muala mupoapa, ke mangkamoko ullamban Yordan.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

YEREMIA 3:2

Mentingarako langngan mintu tanete lo’bang, umbara nii tu tang dinii ussiammurangko? Unno’ko’moko dio lalan ungkampai tu tau mai, susi misa’ to Arab, lan padang pangallaran, sia muruttakkimo tu tondok napobua’ passulobongimmu sia mintu’ kakadakeammu.

YEHEZKIEL 36:17

E ma’rupa tau, iatonna torropa lan tondokna tu to Israel, naruttakki napobua’ kedona sia penggauranna. Butungi to baine nalambi’ bulanna, susi dukato tu penggauranna tau iato mai dio pentiroKu.

YEHEZKIEL 36:19

Kupatisambo’ tu tau iato mai dio lu mintu’ bangsa, naurunganni titale’ dio lu mintu’ tondok; Kuukungmo sitinaya kedona sia penggauranna.