MIKHA 1:7 - Sura' Madatu

⁷ Sia mintu’ rapang-rapang dipodeata dipa’na la dipoka, sia pamenganna tu dipennoloan lako deata la diballa api, sia mintu’ rapang-rapang dipodeatanna la Kunisak-nisak, belanna iatu saro bu’tu lu dio mai pa’gau’ salana naallianni tu rapang-rapang dipodeata narampun, na iatu apa iato la dadi duka saro gau’ sala.

MIKHA 1:7 Referans Kwoze

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.

HOSEA 2:12

Susimoto la Kunii unnukungi diona tu mintu’ allo, nanii untunu pemala’ lako mintu’ Baal sia umbeloi kalena ma’sissin, sia ma’manik-ata sia undi urrundu’ to nasigau’-salan, apa iatu Aku nakalupaiNa’, kadanNa PUANG.

KADA OMBO’ LAKO RASULU’ YOHANES 18:3

Belanna mintu’ bangsa unniru’mo uai anggoro’ kamoraian gau’ salana, sia sigau’ salamo mintu’ datu lan lino sia mintu’ pa’baluk-baluk lan te lino sanapasugi’-sugi’na belanna lendu’ tongan malabona.

HOSEA 8:6

Tonganna bu’tu dio duka mai Israel, tu misa’ apa nagaraga pande, apa tangia misa’ kapenomban. Tonganna la dinisak-nisak tu anak sapi Samaria.

KADA OMBO’ LAKO RASULU’ YOHANES 18:9

Mintu’ datu lan lino tu nasigau’ salan sia nasolan solle’, la untangi’i sia la umbatingi, ke natiromi tu rambu api ungkandei,

YOËL 3:3

Sia naloterei tu taungKu nataa-taa, sia misa’ pia muane napassaroan baine bualang, sia misa’ pia baine nabalukan belanna uai anggoro’, kumua nama’din mangiru’.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

2 OSSORANNA DATU 31:1

Iatonna upu’mo te mintu’ apa iate, malemi tu mintu’ to Israel, tu dio ren, lako mintu’ kota Yehuda, natesse-tessei tu mintu’ batu dipodeata, nalellengi tu mintu’ kayu dipodeata sia naseran tu mintu’ inan madao sia inan pemalaran, naputtai lan mai mintu’ Yehuda sia Benyamin sia lan lu Efraim sia Manasye. Mangkato sulemi tu mintu’ to Israel lako kotana, pantan male lako mana’na.

PA’TOLE 9:21

Apa iatu panggaragammi tu mipokasalan, iamotu anak sapi mangka migaragai, kuala, angku ballai sia kutesse-tesse angku nisak-nisakki sae lako mendadi susi barra’-barra’. Iatu barra’-barra’ iato kutibe rokko salu’-salu’, tu lolong dao mai buntu iato.

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

1 SAMUEL 5:4

Iatonna melambi’ dio mai millikmi tu tau iato mai, oo!, songka pole’omo tu Dagon tipessussuk tu lindona rokko padang dio olona pattinNa PUANG, apa iatu ulunna sia limanna patomali tantang tipelleba’ lako to’ ampang ba’ba, nakalena mannamo Dagon torro siapa.

YESAYA 2:18

Mintu’ dipa’deatainna la pa’de nasang.

YESAYA 23:17

Ke upu’mi pitungpulo taunna, la rampo PUANG unnukung to Tirus, naurunganni tibalik sule lako pandakaran passulo bonginna, anna sigau’ sala pole mintu’ parenta lan lino dao kuli’na padang.

YEHEZKIEL 6:6

Umba-umba tu munii torro, la disabu’i tu mintu’ kota sia la dipopempadang talo tu inan madao, anna disanggang tu inan pemalarammi sia tang dipoinaamo, iatu pa’deatammi ditesse-tesse sia disabu’i, iatu inan pemalaran pantunuan dupami dile’to-le’to sia iatu panggaraga limammi la diro’pok-ro’pok.

HOSEA 2:14

Sia la Kuben tu pa’lak anggoro’na dio, sia iatu lombok Akhor la Kupopendadi misa’ ba’ba pa’rannuanan. Sia attu iato la menani pole’ susi tonna mangura, iamo tonna sun lan mai tondok Mesir.

HOSEA 8:5

Iatu anak sapimmu apa megi’giran, e Samaria! Dukku tu kasengkeangKu la urrampoi tu tau iato mai. Sangapapira tu tau iato mai tang la ma’din diseroi?