MIKHA 1:3 - Sura' Madatu

³ Belanna iatu PUANG manassa tassu’ lan mai inanNa, anNa mengkalao umpopentengka lentekNa dao lu mintu’ inan matande dao kuli’na padang.

MIKHA 1:3 Referans Kwoze

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

YESAYA 26:21

Belanna la sun tu PUANG lan mai inanNa la umpapakkanni kakadakeanna mintu’ issinna lino lako tau iato mai; la napasombo lino tu rara tibollona tau iato mai sia nokamo ussamboi tu mai batang rabukna tu mai to mate dipongko.

PA’TOLE 32:13

Napopessake dao malangka’na kuli’na padang, sia Napakande burana padang; Napamimmi’ tani’ enoan lan mai buntu batu, sia minna’ lan mai batu laulung.

HABAKUK 3:19

Iatu PUANG Puangta Iamo oto’na kamatotorangku: Napasusi lette’ donga birang tu lette’ku, sia Napalesei lette’ku tu inan matandeku. Lu lakona pangala sengo. Dipasiala oni katapi.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

YEHEZKIEL 3:12

Naangka’mo’ Penaa langngan, angku rangi dio boko’ku misa’ oni mongngo’ tongan – nadipudimora tu kamala’biranNa PUANG lan inan isunganNa –,

YESAYA 25:10

Belanna iatu limanNa PUANG la mendemme’ indete buntu, apa iatu Moab la dilullu’ rokko to’ inanna, butung to dalame dilullu’ rokko to’ uai patuang pangangku’.

AYUB 40:12

Nae’te’ tu ikko’na susito kayu arasi’, iatu ura’ pupunna susito ulang dipasiulang.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

AMOS 9:5

Tonganna tu Puang, iamo PUANGna mintu’ ma’dandan maritik, tu ungkaka’ kuli’na padang, anna tigega’, naurunganni iatu mintu’ tau untorroi sumarro-marro, sia kendek susi Nil sia mere sule susi salu Mesir,