MIKHA 1:14 - Sura' Madatu

¹⁴ Iamoto benni pamengan kasisarakan Moresyet-Gat. Iatu banuanna Akhzib dadimo misa’ salu’-salu’ ma’pakena lako datu Israel.

MIKHA 1:14 Referans Kwoze

YOSUA 15:44

Kehila, Akhzib sia Maresa; mintu’ tu kota iato kasera sola kampongna.

2 DATU 16:8

Naalami Ahas tu bulaan sia salaka tu lan banuanNa PUANG sia lan mai bilik pangnannan tongkonan layuk, anna pa’peai butung pamengan lako datu Asyur.

YEREMIA 15:18

Ma’apai anna tae’ upu’na tu pa’di’ku sia tae’ namondo tu bangkeku sia tae’ nasikemun? Iatu Kamu tonganna butung to salu’-salu’ marangke lako kaleku, susito uai ka’to’.

YESAYA 30:6

Inde sia tu kada Napa’petang- gungan Puang Matua diona tu olo’-olo’ lo’ Pollo’na uai. Iatu padang nanii ponno kamaparrisan sia kamegiangan tu nanii singa birang sia singa laki sia ula’ rame sia naga mettia’; indemoto sau’ tu nanii umbaai nateke’ keledai tu eananna sia napadao palasa unta tu mai barang apanna, naban bangsa umpabu’tu apa tae’ gai’na.

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.