MIKHA 1:12 - Sura' Madatu

¹² Belanna iatu to Marot ma’parondo mataku’ belanna kameloan, saba’ songlo’mo tu kasanggangan dao mai PUANG sae lako babangan Yerusalem.

MIKHA 1:12 Referans Kwoze

YEREMIA 14:19

Mitibe tarru’raka tu Yehuda? Nakasorromoraka penaamMi tu Sion? Ma’apari Mibambakan, kiurunganni tang mondo sule? Moi kirannuan kamarampasan, apa tae’ bang tu melona, moi angki rannuan allo kamalekean, apa metakuranna manna!

MIKHA 1:9

Belanna iatu bangke malua’na tang dampi-dampiammo, belanna narua dukamo tu Yehuda sia nalambi’mo tu babanganna taungKu, sae lako Yerusalem.

AMOS 3:6

Iake dipannonii tu napiri tanduk lan kota, tae’raka nala tiramban tu pa’tondokan? Ma’dinraka tu kota narampoi kamandasan, ke tae’i na PUANG umpasaei?

YEREMIA 8:15

Moi tarannuan kamarampasan, apa tae’ bang tu melona, moi anta rannuan allo kamalekean, apa metakuranna manna.

YESAYA 45:7

tu umpadadi masiang sia ungkombong malillin, tu untannun kamakarimmanan sia umpabu’tu kamandasan, Akumo tu PUANG, tu umpaden nasangi te mintu’na te.

AYUB 30:26

Kupeagi bang tu kameloan, apa kakadakeanora rampo; untayanna’ masiang, apa malillin sae.

1 SAMUEL 4:13

Tonna rampomo, iatu Eli unno’ko’ dao kadera dio biring lalan ma’peagi-agi, belanna selang tu penaanna ungkilalai pattinNa Puang Matua. Rampomi tinde tau umpakarebai tama kota, anna siurrukan tu mintu’ pa’tondokan.

RUT 1:20

Apa ma’kada tu Naomi lako tu tau iato mai nakua: Da misangaina’ Naomi; sangaimo’ Mara, belanna mangkamo’ Naparampoi kamapairan To umpoissan angge maritik.