MATIUS 9:2 - Sura' Madatu

² Nabaami tau lako tu to kupi’ misa’, mamma’ bang diong ampa’na; belanna Natiro Yesu tu kapatongananna tinde tau, Nakuami ungkuanni tinde to kupi’: Parapa’i tu penaammu, e anakKu, dipa’deimo tu kasalammu.

MATIUS 9:2 Referans Kwoze

MATIUS 9:22

Apa messaile tu Yesus, anNa kitai, Nakuami: E anakKu, parapa’i tu penaammu, kapatonganammumo umpatuoko. Maleke bangsiami tinde baine to attu iato.

YAKOBUS 2:18

Apa umbai den tau ma’kada nakua: iko den kapatonganammu, na aku den penggaurangku, apa pakitammo’ kapatonganammu tang situang penggauran, angku pakitangko tu kapatonganan tete dio penggauran.

PENGGAURANNA RASULU’ 19:12

naurunganni moi passapunna sia pa’bakkanna tu pura napake Paulus, naban tau to masaki, nasoro’ tu saki dio mai kalena sia mallai tu mintu’ deata masussuk.

YOHANES 21:5

Mekutanami tu Yesu lako, Nakua: E pia, denraka pa’kandean iti’? Nakuami mebali: Tae’.

MATIUS 8:10

Iatonna rangimi Yesu tu kada iato mangngami sia Nakua lako to undi unturu’I: Kukua mati’: Tonganna tongan moi misa’ lan mai to Israel, tae’ bangpa Kuappa’ tu kapatonganan susi matoto’na te.

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.

ROMA 5:11

Sia tangia manna to, sangadinna ussattuan poleki’ Puang Matua tete dio Puangta Yesu (Kristus), apa belanna Iari anta kabu’tui kasikaeloan totemo.

PENGGAURANNA RASULU’ 14:9

Naperangii bangmi tinde tau tu Paulus ma’kada, napemarangai Paulus sia natiro kumua den kapatonganan dio, tu ma’din la dinii umpamalekei,

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

MATIUS 9:6

Apa dikua ammi issanni kumua kuasa tu Anak rampan dilino umpa’dei kasalan lan te lino –, Nakuami ungkuanni tinde to kupi’: Millikko, mualai tu ampa’mu, musule lako banuammu.

MATIUS 8:16

Iatonna makaroenmo budami to natamai deata bulituk nasolan tau lako, anNa sisangbukuri kadanNa urrambai tu deata bulituk sia Napamaleke tu mintu’ to nasanta’ saki,

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

YOHANES 2:25

Sia belanna tae’ Naanga’ misa’ duka tau la ungkatottongi tu diona tolino, belanna Ia kalena unnissanni tu lanna penaanna tolino.

MARKUS 5:34

Nakuami Yesu lako: E anakKu! pa’patonganmumo umpatuoko; male marampa’moko sia malekemoko dio mai sakimmu.

MARKUS 1:32

Iatonna makaroenmo tonna lambun allo, nasolammi tau lako tu mintu’ to nasanta’ saki sia to natamai deata masussuk.

TOMANGADA’ 9:7

Iamoto parannuko ungkandei tu kandemu sia pasendei tu penaammu unniru’i tu uai anggoro’mu, belanna iake mupogau’i tu iannato, inang masai allomo pa’poraianNa Puang Matua susito.

MATIUS 6:12

sia pa’dei tu sala budangki, susi kami umpagarri’ salana to kasalan lako kaleki.

MATIUS 9:5

Umbannara maraa, dikuaraka: Dipa’deimo tu kasalammu, ba’tu dikuaraka: Millikmoko, muma’lingka?

MATIUS 14:27

Apa ta’pa Napa’kadai Yesu, Nakua: Parapa’i tu penaammi, Akumote anna, da mimataku’.

MARKUS 6:50

belanna nakita sola nasangi tu Yesu, anna tiramban. Apa ta’pa Napa’kadai, Nakua: Parapa’i tu penaammi, Akumote anna, da mimataku’.

MARKUS 10:49

Tadangmi tu Yesu sia Nakua: Tambai. Natambaimi tau tinde to buta, nakua lako: Parapa’i tu penaammu; ke’de’moko, Natambaimoko.

PENGGAURANNA RASULU’ 23:11

Iatonna bongimoto, bendanmi Puang dio sa’dena sia Nakua: Pabatta’i tu penaammu! Belanna tumba tu kamukatottongingKu dio Yerusalem, susi dukamoto sipatuko la ungkatottongiNa’ dio Roma.