MATIUS 7:3 - Sura' Madatu

³ Ma’apari mukitai tu bulisak lan matanna siulu’mu, apa kayu sangbatang lan matammu tae’ musa’dingi?

MATIUS 7:3 Referans Kwoze

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

LUKAS 18:11

Ke’de’mi tu to Farisi massambayang lan penaanna, nakua: O Puang Matua! ma’kurre sumanga’na’ lako Kalemi, belanna aku te tae’ kususi to senga’, to unnalai bang apanna tau, ba’tu to matampo, ba’tu to pasandak salu lako rampanan kapa’, ba’tu susite passima iate;

MATIUS 7:4

Ma’apari ammu la kumuara lako siulu’mu: Da’ito angku alai tu bulisak lan mai matammu, anna iko kalena nanii kayu sangbatang lan matammu?

MATIUS 7:5

E belo puduk! Alai dolo tu kayu sangbatang lan mai matammu, namane masero mukita unnalai tu bulisak lan mai matanna siulu’mu.

ROMA 2:1

Iamoto tae’ mubelai undakaran posanga kalemu, e iko, minda-mindako tu umpasala tau; belanna lan tu kaumpasalammu to senga’, iko kalenamo umpakannai ukungan kalemu; belanna iko ma’pasala na iko duka umpogau’i.