MATIUS 7:2 - Sura' Madatu

² Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

MATIUS 7:2 Referans Kwoze

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

MARKUS 4:24

Nakuami lako tau iato mai: Palan penaai tu apa mirangi. Iatu sukaran mipassukaran tau, ia dukamo la dipassukarangkomi sia la dirangnganni pole’pa lako kalemi.

LUKAS 6:38

Benni, manassa la diben dukakomi. Misa’ sukaran melo tongan ditemme’ rokko nadirodo sama’toppo’na, la diparokko riammi, belanna iatu sukaran mipassukaran tau, ia duka la dipassukarangkomi!

OBAJA 1:15

Belanna mandappi’mo tu alloNa PUANG la urrampoi mintu’ bangsa; susitu penggaurammu, susi dukamo la dipogau’ lako kalemu, sia iatu penggaurammu la sule langngan ulummu.

KADA OMBO’ LAKO RASULU’ YOHANES 18:6

Papakkanni lako kalena susitu napogau’na sia popanglokkon penduanni na iatu mintu’ penggauranna; na iatu lan irusan mangka napasito’bo’, to’boranni manglokkon penduan.

2 KORINTUS 9:6

Apa pengkilalai te kada iate: Minda-minda tu manenneng mantanan, manenneng duka mepare, na minda-minda tu malabo mantanan, malabo duka mepare.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

YEREMIA 51:24

Apa la Kupabala’imo tu Babel sia mintu’ to untorroi Kasdim dio tingayomi belanna mintu’ kakadakean napogau’ lako Sion, kadanNa PUANG.

1 SAMUEL 15:33

Nakuami Samuel: Susitu pa’dangmu umpasisayuran anak ba’tu pira-pira baine, susi dukamoto tu indo’mu la dipasisayuran anak dio lu mintu’na baine. Napateimi Samuel tu Agag, nata’tak-ta’takki dio oloNa PUANG dio Gilgal.

PA’PUDIAN 109:17

Nakabarii tu tampak ropu – da’ito narua pissanni; sia tae’ anna kabarii karongkosan – da’ito nasitoyangan pissan.

YESAYA 33:1

Upu’ allomu, e pa’kasanggang, tu tang disanggang; e to tang maruru’ tu tang diballean len; iake upu’moko ma’kasanggang, iko kalenamo la disanggang; iake upu’moko umpogau’ tang maruru’, iko kalenamo la diballean.

YEREMIA 34:17

Iamoto nakua kadanNa PUANG: Belanna tae’ miperangiiNa’ la pada umpetamban katomakakan lako siulu’na sia lako solana, kadanNa PUANG, iamoto la Kupetamban tu katomakakan lako kalemi, la napotaa pa’dang sia ra’ba biang sia karorian sia la Kupadadikomi misa’ apa metakuran lako mintu’ kadatuan lan lino.

MATIUS 6:14

Belanna iake umpagarri’komi salana tau, tae’ Natang umpa’dei dukai Ambe’mi dao suruga tu salami.

KATASSURAN 21:24

pabutanni la dibutai duka, pasimpoanni la disimpoi duka, pata’takan limai la dita’takki duka tu limanna, pale’toan lentekki la dile’to duka tu lentekna,

TO PARENGNGE’ 5:27

Menggerok-gerok lan to’ lentekna Yael, anna songka sumpandan dio, menggerok-gerok lan to’ lentekna anna songka, dio tu inan nanii menggerok-gerok, inde dukato nanii songka, tang nasau’mo.

2 SAMUEL 21:5

Nakuami tu tau iato mai lako datu: Iatu to ussanggangkanni sia ma’tangnga’ la ussabu’ikan, kiurunganni tang sumalimbayo lan lu mintu’ lili’na Israel –