MATIUS 5:4 - Sura' Madatu

⁴ Maupa’ tu mintu’ to masussa, belanna tau iato la dipakatana.

MATIUS 5:4 Referans Kwoze

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

YESAYA 57:18

Kutiromo tu lalanna tau iato mai, angKu pamatanai sia la Kurenden mana’pa, sia la Kupakatana pole’ sule tu mai masussana.

LUKAS 6:21

Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

YESAYA 25:8

La Napaputta tontong sae lakona tu kamatean, sia la Napa’dii Puangta PUANG tu mai uai mata, sia iatu kamatunanna taunNa la Napa’dei lan mai mintu’ nasambo langi’, belanna susimoto tu kadanNa PUANG.

YESAYA 66:10

Parannu-rannukomi sola Yerusalem sia pokumalasii, e kamu mintu’ tu ungkamali’i. Posendei, e kamu mintu’ to umporosso inaai,

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

YESAYA 35:10

mintu’ to Nala’bak PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna; tau iato mai la unnappa’ kasendean sia kaparannuan, apa mintu’ kamasussan sia kasumarroan la mallai.

YESAYA 30:19

E bangsa Sion, tu torro dio Yerusalem, tae’mo mila tontong tumangi’, manassa Ia la ungkamaseikomi, ke Narangii tu peongli’mi, ianNa rangii manassa Napebaliikomi.

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

YEHEZKIEL 7:16

Moi anna denpa ba’tu pira-pira tilendok tu tau iato mai, manassa la susi bu’ku’ dao lu buntu, tu sae diong mai lombok; iatu tau iato mai sola nasangi pantan sumarro belanna kakadakeanna.

LUKAS 6:25

Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

LUKAS 7:50

Nakuami Yesu lako tinde baine: Manassa kapatonganammumo umpatuoko, sule marampa’moko.

LUKAS 7:38

Saemi dio boko’Na Yesu, narampo tumangi’ diong to’ lette’Na, sae lako napabonakki uai matanna tu lentekNa, napa’dii beluakna, naudungi tu lentekNa, namane umpalakoi tu minna’ pandere’.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.