MATIUS 4:8 - Sura' Madatu

⁸ Nasolan pole’omi deata bulituk tu Yesu langngan buntu malangka’ tongan, napakitanNi tu mintu’ parenta lan te lino sola mintu’ kamala’biranna;

MATIUS 4:8 Referans Kwoze

MATIUS 16:26

Belanna apara la napomaupa’ tau, moi naassangi te lino, apa karugian deatanna? Ba’tu apara tu sipatu la nasorong tau la nasondan deatanna?

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;

DANIEL 4:30

Ma’kadami tu datu nakua: Tangiaraka te tu Babel kapua, tu kubangun dipoisungan kadatuan tete dio kakapuanna kuasangku, dikua anna dipakala’bi’ tu kapayungangku.

ESTER 5:11

Nauleleanmi Haman lako tau iato mai tu kakapuanna kasugiranna sia kabudanna anakna muane sia kanapakala’biranna datu sia kanapamatandeanna na iatu mintu’ arung sia taunna datu.

ESTER 1:4

Napa’petiroammi datu tu kasugiran sia kamala’biran kadatuanna sia kamaballoan kapuanna kabarre-alloan ba’tu sangapa-apa masainna, iamotu saratu’ karua pulona allona.

MATIUS 4:5

Mangkato nasolammi deata bulituk tu Yesu lako tondok maindan, anna pabendanNi dao bubungan Banua Kabusungan,

KADIBILANGAN 23:3

Mangkato ma’kadami tu Bileam lako Balak nakua: Malekomi bendan dio to’ pemala’ ditunu pu’pu’mi, angku male; umbai la sae tu PUANG umpessitammuina’, sia apa tu Napamanassanna’, iamoto la kupa’peissannan lako kalemi. Attu iato tuka’mi langngan misa’ tanete karing.

YOHANES 5:20

Belanna Napakaboro’ Ambe’ tu Anak sia Napakitan tu apa Napogau’; ontongpi la Napakitan tu pengkarangan ondong kapuana na iate, kumua ammi mangnga.