MATIUS 4:2 - Sura' Madatu

² Iatonna patangpulomo allona patangpulo bonginna Nanii ma’puasa, katampakanna tangdia’mi.

MATIUS 4:2 Referans Kwoze

PA’TOLE 9:18

Pakalan tukkumo’ menomba dio oloNa PUANG, susitu dolona, patangpulo allona patangpulo bonginna – tang ungkande roti sia tang unniru’ uai – belanna mintu’ kasalan mipogau’, iamotu umpogau’komi apa kadake dio pentiroNa PUANG, sia umpa’dikki penaanNa.

1 DATU 19:8

Millikmi anna kumande sia mangiru’ na kande iate napomatoto’ lumingka patangpulo allona patangpulo bonginna sae lako buntunNa Puang Matua, iamotu Horeb.

KATASSURAN 34:28

Torromi tu Musa dao sola PUANG patangpulo allona patangpulo bonginna, tang ungkande roti sia tang unniru’ uai; Nasura’mi PUANG dao papan tu mintu’ kada basse, iamotu Sangpulo Kada.

LUKAS 4:2

Narosomi deata bulituk patangpulo allona. Iato lan mintu’na allo iato tae’ bang apa Nakande. Iatonna lendu’mo tu allo iato mane tangdia’ri.

PA’TOLE 9:9

Iatongku kendekmo langngan buntu la untarimai tu papan batu, iamotu papan basse, tu mitanan sola PUANG, kutorro patangpulo allona patangpulo bonginna dao buntu, tang ungkande roti sia tang unniru’ uai.

PA’TOLE 9:25

Tukkumo’ menomba dio oloNa PUANG – patangpulo allona patangpulo bonginna kunii tukku menomba – belanna Napokadamo PUANG, kumua la Nasabu’ikomi,

KATASSURAN 24:18

Malemi tu Musa tama gaun iato, nakendek langngan buntu; anna torro dao buntu iato patangpulo allona patangpulo bonginna.

YOHANES 4:6

Indemoto tu bubunna Yakub. Belanna mata’ka’ lumingka tu Yesu, unno’ko’ bangmi dio to’ bubun iato, agi-agi te’te’ sangpulo dua tangnga allo.

MARKUS 11:12

Iatonna masiang to, tonna sun lan mai Betania, ussa’dingmi tangdia’.

PA’TOLE 18:18

La Kupabendanan misa’ nabi tu tau iato dio mai mintu’ siulu’na, susitu iko; la Kupadio pudukna tu kadangKu, sia la napokadan nasang tu apa Kupepasanan.

MATIUS 21:18

Iatonna masiang to, tae’pa bongi, tonna sule lako tondok iato, ussa’dingmi tangdia’.

MATIUS 25:35

Belanna iatongKu tangdia’, mipakandeNa’; ma’rangNa’ mipairu’Na’; torro to saeNa’, mitammuiNa’;

MATIUS 25:42

Belanna iatongKu tangdia’ tae’ mipakandeNa’; ma’rangNa’, tae’ Mipairu’Na’;