MATIUS 3:2 - Sura' Madatu

² nakua: Mengkatoba’komi, belanna mengkareke’mo tu Parenta Suruga.

MATIUS 3:2 Referans Kwoze

MATIUS 4:17

Tempon iamoto naranduk tu Yesu mangada’i sia nakua: Mengkatoba’komi belanna mengkareke’mo tu Parenta Suruga.

MARKUS 1:15

Nakua: Nalambi’mo attunna, mengkareke’mo tu ParentaNa Puang Matua. Mengkatoba’komi sia patonganni tu Kareba kaparannuan.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

MATIUS 6:10

Anna patalo tu ParentaMi anna dadi tu pa’poraiamMi lan te lino susi dao suruga.

2 KORINTUS 7:10

Belanna iatu kamasussan situru’ pa’poraianNa Puang Matua umpabu’tu katobaran tang penassanan, tu mebaa lako kamakarimmanan; apa iatu kamasussan lino mebaa lako kamatean.

MATIUS 10:7

Iammi male lako lalan pa’peissananni kumua: Mengkareke’mo tu Parenta Suruga.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 13:3

Kukua mati’: tae’, apa ianna tae’ mimengkatoba’, la sanggang dukakomi sola nasang susito.

LUKAS 11:20

Apa iake pa’tunduanna siamo Puang Matua, angKu rambai deata, inang manassa nalambi’mokomi tu ParentaNa Puang Matua.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.

PENGGAURANNA RASULU’ 17:30

Mintu’na tu attu kabagan Napopa’elo’na Puang Matua, apa totemo te mintu’na tau nala umba-umba nii Nasua mengkatoba’.

PENGGAURANNA RASULU’ 11:18

Iatonna rangii susito, rapa’mi penaanna tinde tau’ naumpakala’bi’ Puang Matua nakua: Iake susito, Napa’kamasean duka Puang Matua lako to kapere’ tu lalan katobaran lu lako katuoan.

PENGGAURANNA RASULU’ 2:38

Nakuami Petrus lako tu tau: La mengkatoba’komi ammi pantan ma’popedio’ tete dio sanganNa Yesu Kristus tu napotete kadipa’deian kasalammi, ammi kabu’tui Penaa Masallo’ dipa’kamasean.

LUKAS 6:20

Mentiromi lako anak gurunNa, Namane ma’kada kumua: Maupa’komi tu kalala’na, belanna umpoparentakomi ParentaNa Puang Matua.

MATIUS 13:52

Nakuami Yesu ungkuanni: Iamoto minda-minda tu pandita Sura’, tu digurui lan Parenta Suruga, iamo butung misa’ to makaka, umpatassu’i diong mai inan pangannana tu bangla’na sia masainnamo.

MATIUS 13:47

Sia ia duka tu Parenta Suruga butung puka, nae’te’ tau diong tasik sia umpurru’ ma’rupa-rupa bale.

MATIUS 13:33

Sia misa’ dukapa pa’pasusian senga’ Napokadanni tu tau Nakua: Iatu Parenta Suruga susi ragi naala misa’ baine, napatamai to’ ta’pung tallung bakku’, anna silele messu’ sia lobo’.

MATIUS 12:41

Iake allo kadiparessan la ke’de’ tu to Niniwe sisola tau totemo te sia la napasala, apa mengkatoba’mo belanna pangadaranna Yunus; anna tiromi, inde Ia tu ondongna na Yunus.

2 TIMOTIUS 2:25

sorong inaa unnada’i tu mintu’ to umbalii, kumua sangapaoi Napa’kamaseanni Puang Matua lako tau iato tu kamengkatobaran, naurunganni ullambi’i tu kapaissanan diona tu kamanapparan,

KOLOSE 1:13

Iamotu mangka urrampanangki’ dio mai kuasa kamalillinan sia umpalengka’ki tama parentaNa Anak pa’kaboro’Na,

PENGGAURANNA RASULU’ 20:21

sia kupamanassan to Yahudi sia to Yunani tu diona kamengkatobaran lako Puang Matua sia ma’patongan lako Puangta Yesu.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

LUKAS 13:5

Kukua mati’: tae’, apa iake tae’i mimengkatoba’ kamu duka sola nasang la sanggang susito.

LUKAS 9:2

Nasuami umpatale’ ParentaNa Puang Matua sia umpamaleke to masaki;

MARKUS 6:12

Sunmi namale mangada’i, kumua sipatu tau mengkagarri’.

MARKUS 1:4

Saemi tu Yohanes Pa’dio’ umpa’peissananni dio padang pangallaran tu kadidioran tanda pengkatobaran, tu napotete kadipa’deian kasalan.

MATIUS 5:10

Maupa’ tu mintu’ to dipakario-rio diona kamaloloan, belanna tau iato umpoparenta Parenta Suruga.

MATIUS 5:3

Maupa’ tu mintu’ to umpamadiongan penaanna belanna tau iato umpoparenta Parenta Suruga.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

KADA OMBO’ LAKO RASULU’ YOHANES 2:21

Mangkamo Kutempoan kumua anna mengkatoba’, apa tae’ namorai mengkatoba’ dio mai tu gau’ salana.

MATIUS 13:31

Napokada pole’omi tu pa’pasusian senga’ misa’ dio tingayona tinde tau, Nakua: Iatu Parenta Suruga susi lise’ sawi sanglise’, naala tau natananni lan pa’lakna.

MATIUS 13:11

Mebalimi sia Nakua ungkuanni tu tau: Iatu kamu dibenkomi pa’kamasean la unnissanni tu rasia diona Parenta Suruga, apa iatu mati’ tau tae’ ia dikamaseanni.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

KADA OMBO’ LAKO RASULU’ YOHANES 2:5

Iamoto kilalai tobang lu umbako nii, sia mengkatoba’ko sia pogau’i sule tu penggauran dolomu; iake tae’i, la mati’Na’, angKu palelei tu tongkonan palitammu dio mai inanna, sangadi ke mengkatoba’ko.

IBRANI 6:1

Iamoto melo ke tatorroi urrundunanni tu tipamulanna pangadaran diona Kristus, anta patarru’mi lako kasundunan: da taparandanganni polei, iamotu pangadaran kamengkatobaran dio mai penggauran mate, sia kapatonganan lako Puang Matua,

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

MATIUS 22:2

Iatu Parenta Suruga dipasusi misa’ datu umpogau’ pa’maruasan umpopa’kapa’ anakna.

MATIUS 25:1

Attu iato iatu Parenta Suruga susi sangpulo anak dara umbaa palitanna, anna sun la untammui muane la diparampo.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MATIUS 20:1

Belanna iatu Parenta Suruga susi to makaka, tu tae’pa bongi nasun la urra’ta’ sarona tu to la mengkarang lan pa’lak anggoro’na.

MATIUS 18:23

Iamoto iatu Parenta Suruga dipasusi misa’ datu, la sisalu taunna.

MATIUS 11:20

Tonna iato, randukmi Yesu untangdoi tu mai kota budanna tanda mangnga Napogau’ lan tu belanna tae’ nasang namengkatoba’, Nakua:

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

LUKAS 21:31

Susi dukamoto tu kamu, iake mitiroi dadi tu mintu’nato, mitandaimo to, kumua la madomi’mo sae tu ParentaNa Puang Matua.

LUKAS 16:30

Nakuami: Tae’ ia na iato, sangadinna, iake den bangsiapi misa’ tu to mate sule umpellambi’i, manassa mengkatoba’.

MATIUS 25:14

Belanna iatu iannato susi misa’ to la male lako padang senga’; natambai tu mintu’ kaunan marimbanganna, napakambi’i tu iananna.

MATIUS 13:24

Napokada pole’omi tu pa’pasusian senga’ misa’ dio tingayona tinde tau, Nakua: Iatu Parenta Suruga susi misa’ to unnambo’ banne melo dio umanna;

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

LUKAS 1:16

Sia buda tongan tu to Israel la napasule lako Puang Kapenombanna.

AYUB 39:12

Morai siaraka tunduk lako kalemu tu sapi lampung, morairaka ma’bongi dio to’ inan pa’pakandean sapimmu?