MATIUS 26:4 - Sura' Madatu

⁴ nasituru’imi la untangnga’ Yesu natingkanNi, kumua napatei.

MATIUS 26:4 Referans Kwoze

MATIUS 12:14

Sunmi tu to Farisi la unnea Yesu sia sipakulu-kulu, kumua umba la nakua umpatei.

PENGGAURANNA RASULU’ 13:10

sia nakua: E iko te to ponno tangnga’ kadake sia kabulitukan, anak deata bulituk, ualinna mintu’ kamaloloan! tae’raka mula morai untorroi umpakelokki tu lalan maloloNa Puang?

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

PENGGAURANNA RASULU’ 7:19

Natangnga’mi datu iato tu bangsata sia napakario-rio tu nene’ to dolota, belanna naparuku untibei tu anak mane dadinna, kumua da napatale’ bati’.

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

KADADIAN 3:1

Iatu ula’ mandu matangngaran na iatu mintu’na olo’-olo’ lan lino, tu mangka Napadadi PUANG Kapenomban. Nakuami tu ula’ lako baine iato: Umbai susite tu kadanNa Puang Matua: Da mikandei buanna tu mintu’ kayu lan te pa’lak!

2 KORINTUS 11:3

Apa mataku’na’ susi manii ula’ umpakena Hawa napalaoi tangnga’na, susi duka manii to dipatangma’rundunan penaammi sia dipasepang dio mai kamalamburan sia kamaseroan ma’palulako Kristus.

MARKUS 14:1

Duang allopa namane allo Pasa sia allona roti tang diragii; undaka’mi lalan tu pangulu to minaa sia pandita Sura’ la morai untangnga’ Yesu natingkanNi sia napatei.

YOHANES 11:53

Randukmi to allo iato nasituru’i la umpatei Yesu.

SARAMBU PEADA’ 24:15

E kamu, to tang mekaaluk, da miodo’i tu banuanna to malambu’, sia da misanggangi tu inan katorroanna.