MATIUS 22:3 - Sura' Madatu

³ Nasuami tu mai kaunanna umpokadanni tu to ditambai tama pa’maruasan iato, apa manoka tu mai tau sae.

MATIUS 22:3 Referans Kwoze

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

ROMA 10:21

Apa nakua lako to Israel: Keallo-keallo umpatadoNa’ limangKu lako to battuk sia pabali-bali.

YOHANES 5:40

Apa tae’ mimorai sae lako Kaleku, kumua ammi kabu’tui katuoan.

PENGGAURANNA RASULU’ 13:45

Apa iatonna tiroi to Yahudi tu to buda, lendu’mi mabiri’na, sia umbali kadanna Paulus sia napokada kadake.

LUKAS 19:27

Apa iatu mintu’na ualingku, tu manokana umpodatuna’, solanni mai ammi patei dio tingayoku.

LUKAS 15:28

Sengkemi, manoka loo tama; iamoto dadi sunmi tu ambe’na loo unnaran-naranni.

LUKAS 13:34

E Yerusalem, Yerusalem, tu umpatei tu mai nabi sia untumbui batu tau disua lako kalemu, ba’tu pempiranMo’ la morai urrampun anakmu susi indo’ manuk urrampun anakna lan to’ pani’na, apa manokakomi.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

MATIUS 3:2

nakua: Mengkatoba’komi, belanna mengkareke’mo tu Parenta Suruga.

ZEFANYA 1:7

Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

HOSEA 11:7

Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

YEREMIA 35:15

Sia Kusua lako kalemi tu mintu’ taungKu, iamotu mintu’ nabi ke makale’ sia ke karoen umpokadai, kumua: Pada la mengkatoba’komi dio mai mintu’ lalan kadakemi sia pemeloi tu mintu’ penggaurammi sia damo mituru’ kapenomban senga’ la umpenombai; iake susito la tontongkomi lan tondok, tu Kukamaseangkomi sia nene’ to dolomi. Apa tae’ duka mitananni talinga sia tae’ miperangiiNa’.

YEREMIA 25:4

Susi dukato Nasuammokomi PUANG tu mintu’ taunNa, iamotu mai nabi, ke makale’ sia ke karoen, apa inang tae’ duka miperangii, ba’tu untananni talinga.

YESAYA 30:15

Belanna nakua kadanNa Puangta PUANG, tu To maserona to Israel: Tete dio pengkatobaran sia karapasan penaa mima’din dikarimmanni, iake mari’pikomi sia ussedan rannummi, iamo mipomatoto’, apa mengkailingkomi.

PA’PUDIAN 68:11

Iatu tuntunanMi ma’baanan lan, o Puang Matua, diona kamasokanamMi amMi pasakkaran nasangmi to mandasa.

1 SAMUEL 9:13

Iammi tama kota, ma’din siapa miappa’, namane kendek langngan inan madao la kumande. Belanna tae’pa nala kumande tu tau iato mai, ke tae’pi nasae, apa ia la umpassakkei tu kande pemala’ iato; mangkato namane kumande tu mintu’ to ditambai. Melo kendekmokomi totemo, belanna attu ia bangsiamote ammi la sitammu.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

MATIUS 21:34

Iatonna la peanggorosammo, nasuami tu kaunanna lako tu to ma’tesan la unnalai tu buanna.

MATIUS 9:15

Nakuami Yesu ungkuanni: La makarorrongmoraka tu mai to pasolan ke sisolapi tu to la diparampo? Apa la sae tu allona, to ke dialami dio mai kalena tu to diparampo, namane ma’puasa.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.