MATIUS 2:2 - Sura' Madatu

² nakua: Umbara nanii tu datu to Yahudi, tu mane dadi? Belanna dellekmo tu bintoenNa kikita, angki sae la umpenombai.

MATIUS 2:2 Referans Kwoze

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

YEREMIA 23:5

Tonganna la sae tu allona, kadanNa PUANG, ke Kupatuoanni Daud tu misa’ Taruk malambu’; Iamo la ma’parenta susi datu sia la lolang kinaa sia umpalalo salunna sia kamaloloan lan tu tondok.

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

YESAYA 60:3

Mintu’ bangsa la umpengkara’pai arrangmu sia mintu’ datu umpengkara’pai kamarorrongan bu’tu dio kalemu.

YOHANES 18:37

Nakuami Pilatus lako: Datu dukaroKomika pale’? Nakuami Yesu mebali: Tonganna susitu kadammi, kumua Aku te datuNa’. Iamo patunna to angKu dadimo, sia iamo patunna to angKu saemo tama te lino, kumua angKu katottongi tu kamanapparan. Minda-minda tu bu’tu lu dio mai kamanapparan iamo umperangii kadangKu.

IBRANI 1:6

Tu diona attu, ke la Napatama polei lino tu Anak pa’bunga’ iato, nakua kadanNa: Mintu’ malaeka’Na Puang Matua la umpenombai

LUKAS 23:38

Sia den duka tandana disura’ dao nakua: Iamote tu datunna to Yahudi.

LUKAS 23:3

Nakutanaimi Pilatus nakua: Kamumoraka datu to Yahudi? Mebalimi Yesu lako, Nakua: Susimo tu mipokadanna.

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

YOHANES 1:49

Nakuami Natanael mebali lako: O Rabi, Kamumo tu AnakNa Puang Matua! Kamumo tu Datunna to Israel!

LUKAS 19:38

nakua: Kurre sumanga’na tu Datu, sae umpotete sanganNa Puang; Kamarampasan dao suruga, Kamala’biran lan inan madona!

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

YEREMIA 30:9

sangadinna tau iato la umpengkaolai PUANG, Kapenombanna, sia Daud, datunna, tu la Kupabendananni.

PA’PUDIAN 45:11

Perangii, e Lai’, kilalai sia patananni talingammi. Paboko’imi penaa tu bangsami sia to lan banuanna mendadiammi.

YOHANES 9:38

Nakuami: O Puang kupatongan. Natukku umpennoloi.

YOHANES 19:19

Napesuammi Pilatus ussura’i tu tandana, nadipale’ke’ dao tampak kayu pea’ta’, nakua lan tu sura’: Yesu, to Nazaret, Datunna to Yahudi.

YOHANES 12:13

pada unnalami palapa koroma nalao untammui sia unnarrak-arrak nakua: Hosana, kurre sumanga’Na tu saeNa umpotete sanganNa Puang. Iamotu datunna to Israel!

MATIUS 27:11

Bendanmi tu Yesu dio olona to maraya, anna mekutana to maraya lako, sia nakua: Kamumoraka tu Datunna to Yahudi? Nakuami Yesu: Susimo tu kadammi.

YOHANES 20:28

Mebalimi Tomas sia nakua lako: O Puangku sia Kapenombangku.

MATIUS 21:5

Pokadanni anak dara Sion, kumua: Tiromi tu Datummu sae lako kalemu, umpamadiongan penaanNa, ussakei keledai, keledai lundara, anak patuoan dipassampei.

MATIUS 2:3

Iatonna rangii datu Herodes tu iannato, tirambanmi sola tu mintu’ pa’tondokan dio Yerusalem.