MATIUS 10:8 - Sura' Madatu

⁸ Pamalekei tu to masaki, patuoi tu to mate, pamondoi tu to golenan sia rambai tu deata masussuk. Belanna dikamasean bangkomi, dadi pa’kamasean duka bangi.

MATIUS 10:8 Referans Kwoze

PENGGAURANNA RASULU’ 3:6

Nakuami Petrus: Iatu bulaan sia salaka tae’ dio kaleku, apa iatu denna dio kaleku la kubenko: tete dio sanganNa Yesu Kristus, to Nazaret, ma’lingkako!

PENGGAURANNA RASULU’ 4:30

amMi unne’te’ lima kuasamMi la umpamaleke tau, anna dadi tu mai tanda mangnga sia tanda kalle-kallean tete dio sanganNa Yesu To masallo’Mi.

LUKAS 10:9

sia pamalekei tu mintu’nato masaki dio sia pokadai lako kumua: nareke’mokomi tu ParentaNa Puang Matua.

MATIUS 10:1

Natambaimi tu anak gurunNa sang pulo dua, Nabenni kamatotoran la ungkuasai deata masussuk sia la urrambai sia la umpasoro’ mintu’ saki sia rammun.

MARKUS 16:18

tau iato untoe ula’, na moi unniru’ apa-apa dipomatena, tae’ nala umpatumbai; la urremme’ to masaki, anna maleke tu tau iato.

KADIBILANGAN 18:7

Apa iatu iko sola tu mai anakmu, la musisolan untoe katominaammi lan mintu’ apa sipatu dipogau’ dio lu inan pemalaran sia diona tu mai apa dio boko’ kulambu, sia la mentoekomi dio. Susito misa’ pentoean, tu dipa’kamasean, Kukamaseikomi katominaan tu mitoe; apa iatu to tang sipatu mengkareke’, ke mengkareke’i, la dipatei.

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

MATIUS 10:7

Iammi male lako lalan pa’peissananni kumua: Mengkareke’mo tu Parenta Suruga.

MATIUS 10:9

Da mibaa bulaan ba’tu salaka ba’tu tambaga lan salipi’mi;